Óńírlerde balyq ósíru jáne balyq ónímderín óńdeu salasy qarqyndy damyp keledí, – dep habarlaıdy aqshamnews.kz tílshísí.
2021–2024 jyldar aralyǵynda balyq ósíru men óńdeuge baǵyttalǵan 87 joba qolǵa alyndy. Olardyń jalpy qūny 21,4 mıllıard teńgení qūraıdy. Íske qosylǵan nysandardyń jyldyq quaty 20 myń tonnadan astam óním óndíruge múmkíndík beredí. Nátıjesínde balyq ónímderíne syrttan ákelínetín táueldílíktí 15 paıyzǵa azaıdy.
Byltyr jylyna 1,2 myń tonnadan astam balyq óndíretín taǵy 8 joba paıdalanuǵa beríldí.
Sonyń bírí – Mańǵystau oblysynda teńíz torlarynda balyq ósíretín sharuashylyqtyń íske qosyluy. Auqymdy joba Ortalyq Azıyada alǵash ret Kaspıı teńízínde júzege asyryldy. Jobany «Organic Fish» kompanıyasy norvegıyalyq tehnologıyamen íske asyrdy. Jalpy qūny 12 mıllıard teńge, al jyldyq óndírístík quaty 5 myń tonna albyrt tūqymdasbalyq óndíruge múmkíndík beredí.
Ótken jyldyń qarasha–jeltoqsan aılarynda teńíz torlaryna salmaǵy 200 gramm bolatyn albyrt tūqymdas balyqtardyń shabaqtary jíberíldí. Joba qazírgí uaqytta tájírıbelík kezeńge óttí.
Sondaı-aq 2030 jylǵa deıín jospar boıynsha qūny 54 mıllıard teńge bolatyn 40 joba qolǵa alynuda. Bolashaqta būl jobalar balyq ósíru kólemín 14,4 myń tonnaǵa deıín, balyqty óńdeu kólemín 10 myń tonnaǵa deıín arttyruǵa múmkíndík beredí. Sonymen qatar jylyna 6,8 myń tonnaǵa deıín balyq jemín óndíru kózdelgen.
Salany odan árí damytu jáne balyq ósíru qarqynyn tūraqty saqtau úshín arnaıy balyq jemí qajet. Osyǵan baılanysty Almaty, Aqmola jáne Mańǵystau oblystarynda memlekettík qoldau tetíkterín paıdalana otyryp, balyq jemín óndíretín zamanauı zauyttar salu máselesí qarastyryluda.
Osy oraıda memleket tarapynan qarjy salymdarynyń bír bólígín óteu jáne balyq ósírumen aınalysatyn sharuashylyqtarǵa jeńíldetílgen nesıe beru sharalary qamtylǵan.