12 qańtardan bastap Qazaqstanda sheteldik kólikterdi saqtandyrýǵa tyıym salynady.
Mundaı kólikterdiń saqtandyrý polısterin basqa memleketterdiń azamattary ǵana resimdeı alady, dep habarlaıdy Almaty-akshamy.kz
Erteńnen bastap mindetti saqtandyrý jáne jol qozǵalysy zańdaryna engizilgen ózgerister kúshine enedi. Jańa ózgeristerge sáıkes, Qazaqstan aýmaǵyndaǵy halyqaralyq qozǵalysta júrmegen kólikterge saqtandyrý polısin rásimdeýge tyıym salynǵan.
Bul rette 2023 jyldyń 12 qańtaryna deıin resimdelgen saqtandyrý polısteri merzim aıaqtalǵanǵa deıin jaramdy bolady. Odan keıin Qazaqstan azamattary sheteldik kólikti saqtandyra almaıdy. Ondaı kólikterdi saqtandyrý polısi negizinde satýǵa da taıym salynady. Al tranzıttik nómir alǵan kólikterdi burynǵydaı 10 kúnge saqtandyrýǵa ruqsat beriledi.
Aıta ketsek, «Jol qozǵalysy týraly» zańda halyqaralyq qozǵalysta júretin kóliktiń naqty anyqtamasy kórsetilgen. Onyń ıesi shetel azamaty, ıaǵnı, Qazaqstan azamattyǵy men turýǵa yqtıarhaty joq adam bolýy shart.