Qazaqstanda 2026 jyldyń qańtar aıynda memlekettík járdemaqylar men Memlekettík áleumettík saqtandyru qorynan tólenetín tólemder arqyly 164,1 myń adamǵa 59,2 mlrd teńge kólemínde qoldau kórsetíldí, dep habarlaıdy Aqshamnews.kz tílshísí.
Eńbek jáne halyqty áleumettík qorǵau mınıstrlígíníń málímetínshe, bala tuuyna baılanysty bírjolǵy járdemaqyny 28,5 myń adam 5,6 mlrd teńgege aldy. Onyń mólsherí: alǵashqy úsh balaǵa – 164 350 teńge, tórtínshí jáne odan keıíngí balalarǵa – 272 475 teńge.
1,5 jasqa deıíngí bala kútímíne baılanysty járdemaqy 130,2 myń adamǵa 4,2 mlrd teńge kólemínde tólendí. Aı saıynǵy tólem mólsherí balanyń kezegíne qaraı 24 912 teńgeden 38 493 teńgege deıín jetedí. 2026 jyldyń basynan bastap būl járdemaqylar 10%-ǵa ındeksteldí.
Sonymen qatar jūmys ísteıtín azamattarǵa júktílík jáne bosanu boıynsha MÁSQ-tan tólenetín bírjolǵy áleumettík tólem qańtar aıynda 17,4 myń adamǵa taǵaıyndalyp, jalpy somasy 16,8 mlrd teńgení qūrady. Ortasha tólem mólsherí – 1,16 mln teńge.
Bala 1,5 jasqa tolǵanǵa deıín tabysynan aıyrylu jaǵdaıyna baılanysty aı saıynǵy áleumettík tólem 16,5 myń adamǵa 32,6 mlrd teńge kólemínde beríldí. Ortasha aılyq tólem 78 294 teńgení qūrady.