Qarjy salasy jandanuda
Qazaqstanda halyqaralyq ınvestorlar aptalyǵy bastaldy, dep habarlaıdy Almaty-akshamy.kz. Qazaqtv.com saıtyna sílteme jasap.
Tıímdí dıvıdendter alu úshín jınaqtardy qalaı jáne qaıda salu kerek? Būl máseleníń anyq-qanyǵyn ūǵynuǵa jetekshí álemdík jáne otandyq sarapshylar kómektesedí. Elordada halyqaralyq ınvestorlar aptalyǵy bastaldy. Astana halyqaralyq qarjy ortalyǵynyń onlaın alańynda jahandyq deńgeıde tanylǵan 20-dan astam maman ózderíníń tájírıbelerímen bólísetín bolady.
Olar qarjy qūyudyń múmkíndíkterí, qūraldary men táuekelderí, sondaı-aq osy saladaǵy ınnovatsıyalar turaly áńgímeleıdí. Būl jónínde kóbírek bílgísí keletín kez kelgen adam halyqaralyq ortalyqtyń resmı saıtynda tírkelíp qosyla alady. Ótken jyly sala mamandarynyń dárísterín 3 000-nan astam adam tyńdady.
Būl joly 17 ís-shara josparlanǵan. Onyń íshínde vebınarlar, áleumettík jelílerdegí tíkeleı efırler jáne paneldík sessıyalar bar.
«Bíz būl ís-sharany osymen 4 jyl boıy baǵaly qaǵazdar jóníndegí halyqaralyq ūıymnyń qoldauymen ótkízíp kelemíz. Būl - qor naryqtarynyń barlyq retteushílerín bíríktíretín jahandyq ūıym. Osy aptada ótken jyldaǵy tyń úrdíster men ís-sharalardy qaıta saralaıtyn bolamyz. Bírínshísí qarjylyq sauattylyq, jahandyq deńgeıde ol álí de tómen qalyp otyr. Halyqaralyq ūıymdar eresek halyqtyń jartysy ózderíníń qarjylyq sauattylyǵyn álí de arttyru kerek dep sanaıdy», - dedí «Astana» halyqaralyq qarjy ortalyǵy komıtetíníń bas dırektory Mūhtar Bóbeev.