Lızıńtiń avtonesıeden aıyrmashylyǵy kólikti alǵashqy jarnasyz ári nesıesiz uzaq merzimge jalǵa alýǵa bolady, dep habarlaıdy aqshamnews.kz
Ónerkásip jáne qurylys mınıstrligi jyldyq shekti mólsherlemeni 36%-ke deıin bekitti. Buǵan deıin 45 paıyzǵa deıin esteptelgen edi. Baǵdarlamanyń maqsaty – avtokólikti satyp alýdy qoljetimdi etý.
Lızıńtiń avtonesıeden aıyrmashylyǵy kólikti alǵashqy jarnasyz ári nesıesiz uzaq merzimge jalǵa alasyz. Kelisimshart merzimi aıaqtalǵanda temir tulpardy qaıta ótkizýge nemese qalǵan bereshegińizdi óteý arqyly satyp alýǵa bolady.
«Bul jerge ekinshi deńgeıli bankterdi kirgizbeý kerek. Eger ekinshi deńgeıli bankterdi kirgizsek, ol erteń týra avtonesıe bolady. Sondyqtan bul jerde bólek bir kompanıa qurylý kerek», - deıdi Qazaqstan Parlamenti Májilisiniń depýtaty Oljas Quspekov.
Eske sala keteıik, buǵan deıin saýda jáne ıntegrasıa vıse-mınıstri Aıdar Ábildabekov qazaqstandyqtar lızıńke alǵan avtokóligin keri qaıtara alatynyn málimdegen bolatyn. Árbir avtosalon men lızıńtik kompanıa úshin paıyzdyq mólsherlemeler, merzimder men basqa da parametrler jeke belgilenedi.