2025 jylǵy 1 qarashadaǵy jaǵdaı boıynsha memlekettík eńbek ınspektorlary respublıkanyń 394 kásíporny 9,8 myńnan astam jūmyskerge 2,3 mlrd teńgege jalaqy boıynsha bereshek ekenín anyqtady.
Sonymen bírge túrlí ūıymdarda júrgízílgen tekseruler barysynda eńbek qūqyǵy būzyluynyń 6,5 myńnan astam faktísí anyqtaldy, - dep habarlaıdy Aqshamnews.kz.
Jalaqy boıynsha bereshegí jáne eńbek qūqyǵynyń būzyluy anyqtalǵan kásíporyndardyń basshylaryna oryndauǵa míndettí 3 369 ūıǵarym beríldí jáne 428,2 mln teńgeden astam somaǵa aıyppūl salyndy.
Qabyldanǵan sharalardyń, onyń íshínde jalaqy boıynsha bereshektí óteudíń qatań kestelerí men merzímderín belgíleudíń nátıjesínde
9,6 myń jūmyskerdíń qūqyqtary qorǵaldy. Olarǵa 2 mlrd teńge tólendí.
Būdan basqa, eńbek zańnamasynyń saqtaluyna memlekettík baqylaudy qamtamasyz etu máselelerí QR Eńbek jáne halyqty áleumettík qorǵau mınıstrlígíníń erekshe baqylauynda.
2025 jylǵy 1 qarashadaǵy derekter boıynsha memlekettík eńbek ınspektorlary 5 306 tekseru júrgízdí, onyń barysynda 6 571 būzushylyq anyqtaldy, onyń íshínde: eńbek salasynda – 5 427; eńbek qauípsízdígí jáne eńbektí qorǵau boıynsha – 1 111; halyqty jūmyspen qamtu boıynsha – 33.
Qabyldanǵan sharalardyń nátıjesínde 40 myń jūmyskerdíń eńbek qūqyǵy qorǵaldy.