Búgín Memleket basshysy «Qazaqstan Respublıkasynyń keıbír zańnamalyq aktíleríne turıstík salany jáne balalar sportyn qoldau máselelerí boıynsha ózgeríster men tolyqtyrular engízu turaly» Qazaqstan Respublıkasynyń Zańyna qol qoıdy, – dep habarlaıdy aqshamnews.kz tílshísí.
Qūjatta balalar men jasóspírímder sport mektepterín jan basyna shaqqandaǵy normatıvtík qarjylandyru júıesíne kóshíru qarastyrylǵan.
Memleket basshysynyń tapsyrmasyn oryndau ayasynda Turızm jáne sport mınıstrlígí balalar men jasóspírímder sportyn qarjylandyru júıesín jańǵyrtuǵa baǵyttalǵan tıístí zań jobasyn ázírlegen bolatyn.
Jan basyna shaqqandaǵy qarjylandyruǵa kóshu balalar men jasóspírímder sportynyń materıaldyq jáne ūıymdastyrushylyq qamtamasyz etíluín arttyrady. Mysaly, balalar men jasóspírímder sport mektepterínde bír sportshyny daıyndauǵa jylyna orta eseppen 415 myń teńge bólínedí. Al qazírgí tańda smetalyq qarjylandyru júıesínde būl kórsetkísh shamamen 233 myń teńgení qūraıdy.
Aıta ketu kerek, osy uaqytqa deıín Turızm jáne sport mınıstrlígí smetalyq qarjylandyru júıesín qoldanatyn otyrǵan jalǵyz memlekettík organ. Sondyqtan salany basqaru tıímdílígín arttyru maqsatynda jan basyna shaqqandaǵy qarjylandyru júıesíne kóshu josparlanǵan edí.
Jobany íske asyru jergílíktí byudjetterden qosymsha qarajat bóludí talap etedí. Atalǵan shyǵyndar Respublıkalyq byudjettík komıssıya qoldady, sondyqtan qosymsha qarajat jergílíktí byudjet esebínen qarastyrylady.
Eldegí barlyq balalar men jasóspírímder sport mektepterínde jan basyna shaqqandaǵy normatıvtík qarjylandyru júıesí bıyldan bastap engízíledí.
Balalar sportyn qarjylandyru kólemí ekí esege artady
