Qazírgí jahandanu dáuírínde tehnologıyalardyń qarqyndy damuy adamdardyń kúndelíktí ómír saltyna aıtarlyqtaı ózgerís ákeldí. Smartfon, kompyuter jáne túrlí gadjetterdíń keńínen qoldanyluy fızıkalyq belsendílíktíń azayuyna, sonyń saldarynan densaulyqqa kerí áser etetín faktorlardyń kóbeyuíne sebep bolyp otyr. Osyndaı jaǵdaıda sportpen shūǵyldanudyń mańyzy būrynǵydan da arta túskení anyq.
Salauatty ómír saltyn qalyptastyruda jekpe-jek óneríníń de orny erekshe. Sonyń bírí – Kyokushın Budokaı karate. Būl – tolyq kontaktty jekpe-jekke negízdelgen, qatal jattyǵulary men shynaıy tehnıkasymen erekshelenetín karate stılí. Sońǵy jyldary sporttyń būl túrí elímízde de keńínen damyp keledí.
Qazaqstanda Kyokushın Budokaı karatení damytatyn negízgí ūıym – Kazakhstan Fullcontact Karate Organization (KFKO). 2013 jyly qūrylǵan. Halyqaralyq WKB ūıymynyń resmı ókílí. Qazírgí kúní 16 óńírde bólímshelerí, 90-nan astam kluby jūmys ísteıdí. Olarda tárbıeleníp jatqan sportshylar jyl saıyn óńírlík jarystarǵa, respublıkalyq chempıonattarǵa jáne halyqaralyq turnırlerge qatysyp otyrady. Mysaly, bıyl Astanada ótken Astana Open turnıríne 600-ge juyq sportshy elímízdíń 15 óńírínen qatysqan. Būl jarystar jastar arasynda sportty damytuǵa jáne eldík deńgeıdegí, halyqaralyq chempıonattarǵa daıyndyqqa múmkíndík beredí. Kyokushın Budokaı karatemen 4 jastaǵy baldyrǵannan bastap, 18-den joǵarǵy jastar men eresekter de aınalysa alady.
Juyrda KFKO-nyń ūıymdastyruymen Almaty qalasynda «kumıte» tártíbí boıynsha balalar, jasóspírímder jáne qyzdar arasynda SENTOKI CUP – 2026 chempıonaty óttí. Oǵan 200-ge juyq bala qatysty. Solardyń íshínde Qyzylorda oblysyna qarasty Aral audanynyń Bógen auylynan kelgen bes bala da júlde aldy.
Atap aıtsaq, 50+ salmaq dárejesínde Madıyar Shákı ÍÍ orynǵa shyqty. Al qyzdar arasyndaǵy 40+ salmaq dárejesínde
Gúlbarshyn Aralbaı – Í oryn (kubok), Kórkem Jańabergen – ÍÍ oryn, Zarına Sátenova ÍÍÍ oryn ıelendí. -30 salmaq dárejesí boıynsha synǵa túsken Rayana Amandyqqyzy da namysty qoldan bermeı, keudesíne ÍÍÍ orynnyń medalín taqty.
«Osy Almaty chempıontynyń aldynda ǵana Qyzylorda oblysy, Aral audanyndaǵy №Bógen orta mektebínde ashylǵan «Kyokushın Budokaı karate» úıírmesíníń jūmysymen tanysyp qaıtqan bolatynmyn. Úıírmeníń ashylǵanyna kóp bola qaımasa da, balalardyń jattyǵu kezíndegí qabílet-qarymyn, talpynysyn baıqap, aldaǵy uaqytty jeńís tūǵyrynan kórínetíndíkteríne sengen bolatynmyn. Endí, míne, sením aqtaldy. Bízdíń maqsat – Syr óńíríndegí sportty súıetín balalardyń basyn bíríktíru, jattyqtyru, úlken jarystarǵa daıyndau, sportty, salauatty ómír saltyn nasıhattau», – deıdí «Kazakhstan Fullcontact Karate Organization (KFKO)» respublıkalyq qoǵamdyq bírlestígí Qyzylorda oblystyq federatsıyasynyń jetekshísí Shahmardan Faızullaev.
Shalǵaıdaǵy auyl balalaryn sportqa baulyp júrgen jattyqtyrushy Meıram Álíshev – Qazaq sport jáne turızm akademıyasyn bítírgen kásíbı maman. Búgínde osy Kyokushın Budokaı karate sporty boıynsha ashqan úıírmeníń qūramynda 20 bala bar.
«Qazír, jasyratyny joq, úlken-kíshí túgel telefonǵa táueldímíz. Balalardyń bos uaqytyn tıímdí ótkízu úshín osy «Kyokushın Budokaı karate» úıírmesín ashqan bolatynmyn. Qoldau bíldírgen mektep dırektory Marat Andyzbaevqa alǵys bíldíremín. Sport – tek dene jattyǵulary ǵana emes, ol adam ómírín tártípke keltíretín, erík-jígerdí kúsheıtetín, jauapkershílík sezímín arttyratyn ómír salty. Sportpen aınalysatyn jastar zıyandy ádetterden aulaq bolady dep oılaımyn. Kíshkentaı sportshylarym Almatyda ótken SENTOKI CUP – 2026 chempıonatynda mereıímízdí ósíríp tastady. Quanyshtymyn!», – deıdí №20 Bógen orta mektebíníń dene shynyqtyru pání mūǵalímí, «Kyokushın Budokaı karate» úıírmesíníń jetekshísí Meıram Álíshev