Elímízdíń kók baıraǵy Reddit platformasynda ótken onlaın dauys berudíń qorytyndysy boıynsha álemdegí eń ádemí tu dep tanyldy, – dep habarlaıdy aqshamnews.kz tílshísí.
Platforma qoldanushylary Flags of the World dep atalatyn turnırge qatysyp, eń úzdík memlekettík tudy tańdaǵan. Dauys beru barysynda Qazaqstannyń tuy ondaǵan eldíń tuynan basym túsken.
Jartylaı fınalda ol Seıshel araldarynyń tuyn jeńse, fınalda Kırıbatı elíníń tuynan kóp dauys jınaǵan. Nátıjesínde turnırde:
ekínshí oryndy – Kırıbatı tuy,
úshínshí oryndy – Butan tuy,
tórtínshí oryndy – Seıshel araldarynyń tuy ıelendí.
Dauys berudí ūıymdastyrushylar qatysushylar Qazaqstannyń tuyn ūsynylǵan barlyq tulardyń íshíndegí eń úzdígí dep tańdaǵanyn atap óttí.
- Qazaqstan – bízdíń chempıon! Sízder dauys beríp, būl tudy álemdegí eń úzdík tu dep tańdadyńyzdar. Qatysqan jaǵdarǵa raqmet. Būl úlken, bíraq óte qyzyq jūmys boldy, – dep jazdy ūıymdastyrushylar.
Qazaqstannyń memlekettík tuy 1992 jylǵy 4 mausymda resmı túrde bekítílgen.