Bıylǵy negízgí baǵyttardyń bírí – Qazaqstannyń materıaldyq emes mádenı mūra elementterín ISESKO-nyń tízímderíne engízuge arnalǵan nomınatsıyalyq doselerdí ázírleu, – dep habarlaıdy aqshamnews.kz tílshísí.
Būl jūmys qazaq halqynyń bíregeı dástúrlerín halyqaralyq deńgeıde tanytuǵa, keńínen nasıhattauǵa, sondaı-aq olardy saqtap, keıíngí ūrpaqqa jetkízuge baǵyttalǵan.
ISESKO tízímíne ūsynu úshín mynadaı materıaldyq emes mádenı mūra elementterí íríkteldí:
– altybaqan – dástúrlí oıyn árí halyqtyq sauyq-saıran túrí;
– bata beru – aq tílek pen ízgí nıet bíldíru dástúrí;
– báıge – dástúrlí qazaq at jarysy;
– besík jyry – qazaqtyń besík jyryn aıtu dástúrí;
– jarapazan – Ramazan aıynda oryndalatyn dástúrlí ǵūryptyq jyr aıtu dástúrí;
– jetí ata jáne shejíre tarqatu – qazaqtyń dástúrlí ata-tek taratu mádenıetí;
– kımeshek – qazaq áıelderíníń dástúrlí bas kıímín ázírleu jáne kıyu dástúrí;
– qūraq qūrau – dástúrlí qūraq tígu ónerí;
– sal-serílík – qazaq halqynyń muzykalyq-aqyndyq jáne oryndaushylyq óner dástúrí;
– shapan men qamzol – ūlttyq kıímderdí ázírleu jáne kıyu dástúrí.
Nomınatsıyalyq doselerdí ázírleu Qazaqstannyń materıaldyq emes mádenı mūrasyn saqtau, zertteu jáne halyqaralyq deńgeıde ílgeríletu jóníndegí júıelí jūmystyń kezektí kezeńí bolmaq.
Materıaldyq emes mádenı mūra elementteríníń ISESKO tízímderíne engízíluí Qazaqstannyń mádenı mūrasyn halyqaralyq deńgeıde keńínen tanytuǵa jáne dárípteuge, mádenı dıplomatıyany nyǵaıtuǵa, elímízdíń halyqaralyq bedelín arttyruǵa, sondaı-aq halyqaralyq yntymaqtastyqty keńeıtíp, bírlesken mádenı jobalardy júzege asyruǵa múmkíndík beredí.
Nomınatsıyalyq doseler ISESKO talaptaryna sáıkes ázírlenedí. Būl jūmys ǵylymı zertteuler júrgízudí, mūra elementterín qūjattaudy, foto jáne beınematerıaldar ázírleudí, dástúrdí saqtaushylardyń kelísímín aludy, sondaı-aq halyqaralyq sarapshylardyń qarauyna ūsynylatyn qūjattardyń tolyq toptamasyn rásímdeudí qamtıdy.
Nomınatsıyalyq doselerdí ázírleu jūmystary Qazaqstan Respublıkasynyń ūlttyq mádenı mūrasyn saqtau, dárípteu jáne halyqaralyq deńgeıde ílgeríletu jóníndegí memlekettík sayasat ayasynda júzege asyrylyp jatyr.
ISESKO (Bílím, ǵylym jáne mádenıet máselelerí jóníndegí Islam álemí ūıymy) – Islam álemíníń 53 memleketín bíríktíretín mamandandyrylǵan halyqaralyq ūıym. Ūıym bílím, ǵylym, mádenıet jáne mūrany qorǵau salalaryndaǵy halyqaralyq yntymaqtastyqty damytuǵa yqpal etedí, sondaı-aq mádenı áraluandylyqty saqtauǵa jáne halyqtar arasyndaǵy ózara túsínístík pen dıalogty nyǵaıtuǵa baǵyttalǵan baǵdarlamalardy júzege asyrady.