«QazAvtoJol» ulttyq kompanıasy eldegi joldardyń qazirgi ahýaly týraly málimdedi, - dep habarlaıdy Aqshamnews.kz.
Ulttyq kompanıanyń málimetinshe, 2026 jylǵy 1 qańtar kúni saǵat 08:00–degi jaǵdaı boıynsha respýblıkalyq mańyzy bar kelesi avtojol ýchaskelerinde barlyq kólik túri úshin qozǵalys ashyldy:
Pavlodar oblysy
• respýblıkalyq mańyzy bar «Atameken — Ertis — RF shekarasy» avtojolynyń 0-263-shaqyrym aralyǵy (Atameken aýyly — RF shekarasy).
Batys Qazaqstan oblysy
• «Aqtóbe — Oral — RF shekarasy» avtojolynyń 189-492-shaqyrym aralyǵy (Atyraý oblysynyń shekarasy — Oral qalasy);
• «Aqtóbe — Oral — RF shekarasy» avtojolynyń 273-526-shaqyrym aralyǵy (Barbastaý aýyly — Aqtóbe oblysynyń shekarasy).
Aqtóbe oblysy
• «Aqtóbe — Oral — RF shekarasy» avtojolynyń 526-610-shaqyrym aralyǵy (Batys Qazaqstan oblysynyń shekarasy — Qobda aýyly).
Atyraý oblysy
• «Aqtóbe — Oral — RF shekarasy» avtojolynyń 179-189-shaqyrym aralyǵy (Inder aýyly — BQO shekarasy).
Aqmola oblysy
• respýblıkalyq mańyzy bar «Astana — Qaraǵandy — Almaty» avtojolynyń 30-92-shaqyrym aralyǵy (Jibek joly ótkizý beketi — Qaraǵandy oblysynyń shekarasy).
Qaraǵandy oblysy
• «Astana — Qaraǵandy — Almaty» avtojolynyń 92-164-shaqyrym aralyǵy (Aqmola oblysynyń shekarasy — Temirtaý ótkizý beketi).
Jambyl oblysy
• respýblıkalyq mańyzy bar «RF shekarasy — Mártók — Aqtóbe — Qarabutaq — Qyzylorda — Shymkent — Taraz — Qordaı — Almaty — Qorǵas — QHR shekarasy» avtojolynyń 159-238-shaqyrym aralyǵy, Qordaı asýynyń jańa aınalma joly (Kenen aýyly — Qaınar aýyly).
Jabyq joldar
Aýa raıynyń qolaısyzdyǵyna baılanysty respýblıkalyq mańyzy bar kelesi avtojoldarda barlyq kólik túrleri úshin qozǵalys ýaqytsha toqtatyldy:
Jetisý oblysy
• «Úsharal — Dostyq» avtojolynyń 84-164-shaqyrym aralyǵy (Kóktýma aýyly — Dostyq stansıasy).
Pavlodar oblysy
• «Astana — Shiderti — Pavlodar — Ýspenka — RF shekarasy» avtojolyndaǵy jolaıryqtyń kópir qurylymynyń shetki arqalyqtary zaqymdanýyna baılanysty «Qalqaman» jolaıryǵy ýchaskesi jabyldy. Atap aıtqanda, Qalqaman kentine kireberis pen Astana baǵytyna shyǵatyn jol ýaqytsha jabyq.
Sondaı-aq tirkemesi bar jáne jartylaı tirkemeli júk kólikteriniń qozǵalysy Osınov asýynda ýaqytsha shekteldi. Shekteý «Óskemen — Altaı — Katonqaraǵaı — Rahman qaınary» avtojolynyń 46-66-shaqyrymyndaǵy (Severnoe aýyly — Serebránsk qalasy) ýchaskesinde qys aıaqtalǵansha saqtalady.