Marqūm Arman Dúısenovtíń áıelí Aısūlu Aıdanqyzy ūlynyń qazasy turaly alǵash ret aıtyp, Qasym-Jomart Toqaevqa ashyq aryz joldady, - dep habarlaıdy Aqshamnews.kz tílshísí.
Ol būl turaly Aman Tasyǵanǵa bergen sūhbatynda bólístí. Aısūludyń aıtuynsha, 2024 jylǵy 7 qazanda onyń 21 jastaǵy ūly Abylaı Dúısen ólí tabylǵan.
"Ekí qoly artyna baılauly adam ózíne qol jūmsauy múmkín be? Tergeu barysynda kóptegen derek anyqtaldy, bíraq naqty sheshím álí joq. Bostandyq audandyq polıtsıyasy da anyq jauap bere almady", – deıdí ol.
Marqūmnyń anasy tergeu kezínde Abylaıdyń ólímíne qatysty bírneshe materıal tírkelgenín, alaıda ístíń tolyq ashylmaǵanyn aıtady. 2025 jylǵy 24 qazanda Bostandyq audandyq soty Aısūlu Aıdanqyzy, onyń 13 jastaǵy balasy jáne 83 jastaǵy ákesín tūryp jatqan páterden shyǵaru turaly qauly shyǵarǵan.
Onyń aıtuynsha, páterge talasyp otyrǵan Mūqash Sanjar (marqūm Abylaıdyń dosy - esk.) tergeu kezínde būl páterdí satyp almaǵanyn, tek Abylaıǵa qaryz aqsha beríp, páterdí kepílge alǵanyn moıyndaǵan. Būl derek 2024 jylǵy 15 qazan jáne 2025 jylǵy 30 shíldedegí tergeu sotynyń qaulylarynda kórsetílgen.
"Sot satyp alu–satu kelísímshartyn jaramsyz dep tanuy kerek edí. Al WhatsApp jazbalarynda Sanjardyń Abylaıǵa 65 mıllıon teńgení óte joǵary paıyzben qaryzǵa bergení anyq kórínedí. Sot sheshímí zańǵa qaıshy", – dedí Aısūlu Aıdanqyzy.
Ol ístíń ádíl qaraluyna yqpal etuín sūrap, memleket basshysyna ashyq ótínísh joldady:
"Qūrmettí Qasym-Jomart Kemelūly, sot tórelígíníń ádíl boluyna kómektesuíńízdí ótínemín", – dep ayaqtady kompozıtordyń jary.
Eske salaıyq, qaıtys bolǵan Arman Dúısenovtíń ūlynyń ólímíne qatysty qylmystyq ís byltyr qazanda qozǵalǵan bolatyn.
