Ekí óńírde aqbókenderdí zańsyz aulaǵan brakonerler ūstaldy, - dep habarlaıdy aqshamnews.kz tílshísí Polisia.kz-ke sílteme jasap.
2025 jylǵy 29 tamyzda jedel-ízdestíru ís-sharalary barysynda Qaraǵandy oblysynyń krımınaldyq polıtsıya qyzmetkerlerí Íshkí íster mınıstrlígíníń úılestíruímen aqbókenderdíń derıvattaryn odan árí ótkízu maqsatynda olardy zańsyz aulaumen aınalysqan úsh adamnan tūratyn brakonerlík qylmystyq topty ūstady.
Ūstalǵandardan jalpy salmaǵy shamamen 400 kelíní qūraıtyn 1 127 aqbóken múıízí, sondaı-aq ekí tegís ūńǵyly myltyq tárkílendí.
Kúdíktílerdí jáne olardyń baılanystaryn odan árí tekseru barysynda byltyr 24 jeltoqsanda Pavlodar oblysynda Reseı Federatsıyasymen memlekettík shekarada ekí adamnan tūratyn brakonerlerdíń ekínshí toby ūstaldy.
Olardyń bírí - shetel azamaty. Būl tūlǵalar memlekettík shekara arqyly shamamen 2 myń (1 882) aqbóken múıízín kontrabandalyq jolmen alyp ótpek bolǵan. Zańsyz júk kólígíníń arnaıy jabdyqtalǵan jasyryn ornyna aldyn ala jasyrylǵan. Būl derekter boıynsha qylmystyq ís qozǵalyp, sotaldy tergep-tekseru júrgízílíp jatyr.