Aleem! Elden jyraqta júrgen qazaq jastary jasap shyǵarǵan aǵylshyn tilin úıretetin personalızasıalanǵan platforma osylaı atalady. Bastapqyda ol Telegram-da mını-qosymsha retinde tanylyp, qysqa ýaqyt ishinde óte jyldam taralyp, erekshe tanyldy. Osyndaı serpindi App Store-da qaıtalady. Nebári 72 saǵat ishinde platforma 150 000 qoldanýshy jınap, organıkalyq ósimniń erekshe mysalyna aınaldy. Tipti búkil álemge tanylǵan "Duolingo"-ny shań qaptyryp ketti. Keıingi bir-eki apta kóleminde tehnologıa salasynda el mereıin asqaqtatqan joba jaıly Aqshamnews.kz tilshisi izdenip kórdi.
Qazirgi tańda Aleem komandacynda 8 adam jumys isteıdi. Olardyń árqaısysy oqýmen birge jobany da "kelistirip júr". Komanda músheleriniń buǵan deıin atqarǵan isteri ártúrli, biraq olardyń bárin bir maqsat toǵystyrǵan, ol - tıimdi ári qoljetimdi bilim alý ıdeıasy.
Alıdar Kúchýkov - CEO, 17 jasynan beri startaptar jasaıtyn kánigi kásipker. Onyń blokcheın negizindegi ashyq qaıyrymdylyq platformasy 150 000 dollar ınvestısıa tartqan. Qazir ol bar nazaryn Aleem-ge aýdaryp otyr.
Asyljan Altaı - CMO, aǵylshyn tilin óz betinshe oqýdy úıretetin GEETENG onlaın-mektebiniń teń quryltaıshysy. Bostanda Hult International Business School-da grantta oqıdy. Nazarbaev zıatkerlik mektebiniń túlegi, 700 myńnan astam jazylýshysy bar kontent jasaýshy.
Berdibek Saparbekov - COO, Johns Hopkins ýnıversıtetinde oqıdy, Qazaqstandaǵy SAT jáne IELTS boıynsha eń iri mektepterdiń birin qurǵan (aılyq aınalymy - 47 000$).
Temirlan Amanjanov - CTO, tolyq grantta oqıtyn NYU stýdenti (400 000$). Ace.it jáne basqa da bilim berý platformalarynyń negizin qalaǵan.
Temirlan Temirbaev - founding engineer, Qazaqstandaǵy eń iri Web3 hakatonnyń jeńimpazy.
Kreatıv komandasy:
- Alen Altaı - kreatıvti dırektor, kanaly 300 mln-nan astam qaralym jınaǵan avtor, GEETENG-niń teń quryltaıshysy.
- Amal Sadekova - UX/UI-dızaıner, UPROCK-ta taǵylymger.
- Aııa Jumaǵalıeva - Parsons School of Design stýdenti, sýretshi jáne dızaıner.
Komandanyń bergen málimetine qaraǵanda, olardyń jasap shyǵarǵan bul qosymshasy Qazaqstan, Ózbekstan,Tájikstan, Túrkmenstan jáne Ázirbaıjan boıynsha birinshi orynda, Moldova, Reseı, Belarýs elderi boıynsha ekinshi orynda jáne toǵyz memleket boıynsha top 10-ǵa kirgen: onyń ishinde BAÁ bar. Olar Amerıkada marketıń jasamasa da, 55-orynǵa shyqqan.
Aleem qosymshasyn jasaý ıdeıasy bıylǵy jyldyń kókteminde dúnıege kelgen eken. Alıdar Kúchýkov Ortalyq Azıadaǵy eń iri aǵylshyn mektebiniń negizin qalaýshysy, dosy Asyljan Altaımen áńgimelesý barysynda aǵylshyn tilin repetıtor sıaqty tıimdi, biraq mıllıondaǵan adamǵa qoljetimdi etip úıretetin platformany jasap kórse qalaı degen oı keledi.
2024 jyly olardyń GetEnglish (GETENG) mektebi 4000+ stýdent oqytyp, 100 000 dollar taza tabysqa jetken edi. Bir jyldyq úzilisten soń Alıdar jańa ónim ıdeıasyn qaıta qolǵa aldy.
Jazda komanda Telegram-da alǵashqy MVP - speaking-botty jasaıdy. Bir aı ishinde ol 40 000 qoldanýshy jınady. Bastapqyda dostar qoldanady dep oılaǵan joba kútpegen organıkalyq ósimge ıe boldy.
App Store-ǵa shyǵarǵanda, komanda oǵan úlken úmit artpaǵan. Biraq nátıje komandanyń ózin tań qaldyrǵan: 72 saǵatta 150 000 qoldanýshy qosylǵan. Eshqandaı jarnama qoldanylmaǵan.
Aǵylshyn tilin úırený naryǵynda qazir báseke kóp. Biraq Aleem komandasy ınovasıanyń tipti eń tolǵan salalarda eshkim kútpegen kezdiń ózinde paıda bolatynyn dáleldedi. Komanda músheleri aǵylshyn tilin úırenýde bastarynan ótkizben tájirıbege súıenip, til oqytý júıesiniń kemshilikterin jaqsy bildi. Qymbat kýrstar, eskirgen baǵdarlamalar, beıimdelmegen ádisteme. Olar bul týraly
Alıdar:
"Sol kezde túsindik: másele adamdarda emes, júıede".
Berdibek:
"Adamdardyń qarqyny men qabileti ártúrli, biraq soǵan qaramaı, bárine birdeı baǵdarlama beriledi".
Olar ózderi revolúsıa jasadyq dep sanamaıdy, joba tek oqytýdy jeńildetkisi kelgen oıdan týyndaǵan.
Berdibek taǵy bir nárseni atap ótti.
"Biz ChatGPT men YouTube-pen ósken býynbyz. Bul - ony túsingen adamǵa tegin ýnıversıtet. Bizdiń jastaǵy kóptegen kásipkerler - ózdiginen izdenip, úırengender. 19 jasymyzda júıe quryp, komanda basqara aldyq. Bir qýantatyny, qazir Qazaqstanda 16-22 jas aralyǵyndaǵy faýnderler qaýymdastyǵy jyldam ósip keledi".
Aleem platformasynyń tartymdylyǵy - onyń qarapaıymdylyǵynda. Platforma qoldanýshyǵa tym kóp júkteme artpaıdy kúrdelilikti avtomatty túrde beıimdeıdi, qatelerdi túsinikti etip kórsetedi jáne oqý prosesin tym qıyndatpaıdy.
"Biz oqý prosesin jeńil ári erkin etkimiz keldi", - deıdi Berdibek.
Ideıadan ónimge deıingi jol jáne jańa naryqtarǵa baǵyt
Komanda tilder sanyn kóbeıtýge asyqpaıdy. Aldymen qazaq tilindegi nusqany shyǵarý negizgi basymdyq bolyp tur.
Berdibek:
"Aldymen aǵylshyn bólimin ózimiz tolyq qanaǵat etetin deńgeıge jetkizemiz"
Aldaǵy jospar:
- Qazaqsha - Aǵylshynsha
- Ispansha - Aǵylshynsha (Latyn Amerıkasy - alyp naryq)
- Kárisshe - Aǵylshynsha
- Qytaı, túrik, arab tilderi
Injenerlik komanda júıeniń tilderdi jyldam qosýǵa múmkindik beretin arhıtektýrasyn jasap jatyr.
Qazirgi maqsat - sapany joǵaltpaı aýqymdy keńeıtý. Komanda jańa kontınentterge asyqpaıdy, negizgi ónim ıdealdy deńgeıge jetkennen keıin ǵana keńeıýdi josparlaıdy.
Degenmen, Aleem-niń ambısıasy óte aıqyn:
"Biz myńdaǵan nemese júz myńdaǵan emes, mıllıondaǵan, tipti, mıllıardtaǵan adam qoldana alatyn oqý júıesin jasaǵymyz keledi".
Aleem-niń mısıasy - álemdi "moıyndatý".
Aleem - bilimdi barshaǵa qoljetimdi etýdi maqsat etken jańa býyn platformasy. Komanda jeke tájirıbeden týǵan qıyndyqtardy sheshýdi, til úırenýdi uzaq ári qymbat proses emes, tıimdi jáne barshaǵa laıyqty júıege aınaldyrýdy kózdeıdi.
Aleem - Qazaqstandaǵy tehkásipkerliktiń jańa dáýiriniń sımvoly. Komanda jas, ıdeıasy batyl, al mısıasy aıqyn:
adamdardyń ekran aldyndaǵy ýaqytyn bilimge aınaldyrý jáne álem boıynsha til úırenýdiń jańa standartyn qurýǵa jumsasa degen nıetten týǵan.