Áleumettík jelí men Telegram-arnalarda Dubaıda jarylys bolǵany turaly aqparat tarady. Keıín qala bılígí ǵımaratqa zymyrannyń bólshekterí túskenín málímdedí, dep habarlaıdy Aqshamnews.kz tílshísí.
Aldyn ala taraǵan málímetterde Dubai International Financial Centre mańynda jarylys bolyp, oqıǵa ornynda tútín baıqalǵany jáne ǵımarattyń áınekterí synǵany jazyldy. Alaıda keıín Dubaı bılígí būl jaǵdaıǵa zymyrandy áue qorǵanysy júıesíníń sáttí ūstap qaluynan keıín túsken bólshekter sebep bolǵanyn naqtylady.
Resmı málímetke sáıkes, Dubaı ortalyǵyndaǵy ǵımarattardyń bíríníń qasbetíne ūstalǵan nysannyń bólshekterí tıíp, azdaǵan zaqym kelgen. Zardap shekkender turaly aqparat túspegen.
Būǵan deıín BAÁ áue qorǵanysy júıelerí elge baǵyttalǵan bírneshe zymyrandy sáttí zalalsyzdandyrǵanyn habarlaǵan edí.