Jańartylǵan tízímge 23 ınnovatsıyalyq dárí qosylady, – dep habarlaıdy aqshamnews.kz tílshísí.
Qazaqstan Respublıkasynyń Densaulyq saqtau mınıstrlígí ambulatorıyalyq deńgeıde tegín nemese jeńíldíkpen beríletín dárílík zattar men medıtsınalyq būıymdardyń tízímíne ózgeríster engízu turaly jobany ázírledí.
Jobaǵa sáıkes, klınıkalyq tıímdílígí men qauípsízdígí dáleldengen 23 ınnovatsıyalyq dárí 16 túrlí auru túrí (nozologıya) boıynsha tízímge qosylady.
Atap aıtqanda, sozylmaly júrek jetkílíksízdígí bar balalardy emdeuge Ivabradın jáne Sakubıtrıl/Valsartan preparaty engízíledí.
Auyr bronhıaldy astmaǵa shaldyqqan nauqastar úshín Omalızumab dárísí qarastyrylǵan.
Sonymen qatar, yuvenıldí artrıttí emdeu múmkíndíkterí keńeıtílíp, tízímge Kanakınumab, Totsılızumab, Golımumab jáne Adalımumab preparattary engízílmek.
Jalpy, jańartylǵan tízímge 23 ınnovatsıyalyq dárí qosylady. Sonymen bírge, qazírgí emdeu standarttaryna saı kelmeıtín bírqatar dáríler tízímnen shyǵarylyp otyr. Būl ambulatorıyalyq dárí-dármekpen qamtamasyz etudíń tıímdílígín arttyryp, byudjet qarajatyn ūtymdy paıdalanuǵa múmkíndík beredí.
Mınıstrlík málímetínshe, ózgeríster Formulyarlyq komıssıyanyń sheshímderíne negízdelgen jáne medıtsınalyq kómektíń sapasyn arttyruǵa baǵyttalǵan. Nátıjesínde patsıentter zamanauı klınıkalyq ūsynymdarǵa saı em alatyn bolady.
Jańartylǵan tízím qoǵamdyq talqylau úshín "Ashyq NQA" portalynda 20 mamyrǵa deıín ornalastyrylǵan.