Dínmūhamed Qonaevtyń qaryndasy, bıologıya ǵylymyna eleulí úles qosqan ǵalym Rauza Qonaeva 92 jasqa qaraǵan shaǵynda ómírden óttí, - dep habarlaıdy aqshamnews.kz tílshísí.
Qaraly habardy D.A. Qonaev atyndaǵy Halyqaralyq qor málímdegen. Rauza Meńlíahmedqyzy 1934 jyly Almaty oblysyndaǵy Shelek auylynda dúnıege kelgen. Ol Qonaevtar áuletíníń on bírínshí, yaǵnı kenje qyzy bolǵan.
Rauza Qonaeva Máskeu memlekettík unıversıtetínde bílím alǵan. Eńbek jolynyń negízgí bólígín Qazaqstan Ǵylym akademıyasy júıesíndegí bıohımıya jáne molekulalyq bıologıya baǵytyndaǵy ınstıtuttarda ótkízdí. Onyń zertteulerí halyqaralyq ǵylymı qauymdastyq tarapynan moıyndalyp, sheteldík mamandardyń da joǵary baǵasyna ıe bolǵan.
Ǵalym belgílí qūqyqtanushy Mūrat Baımahanovpen shańyraq kótergen. Olardyń qyzy Dana Baımahanova – zań ǵylymdarynyń doktory, ál-Farabı atyndaǵy QazŪU-dyń professory.