Ómíríníń alǵashqy mınuttarynan bastap Almaty qalasyndaǵy №2 Qalalyq perınataldyq ortalyqtyń úlken mamandar komandasy sábıdíń ómírí úshín kúres júrgízdí, – dep habarlaıdy aqshamnews.kz tílshísí.
Náreste merzímínen būryn dúnıege kelíp, salmaǵy nebárí 950 gramm boldy. Jaǵdaıy asa auyr edí: auyr dárejedegí respıratorlyq dıstress-sındrom jáne tereń morfofunktsıonaldyq jetílmeushílík anyqtaldy.
Ómíríníń alǵashqy mınuttarynan bastap Almaty qalasyndaǵy №2 Qalalyq perınataldyq ortalyqtyń úlken mamandar komandasy sábıdíń ómírí úshín kúres júrgízdí. Alǵashqy 60 kún boıy náreste reanımatsıya jáne qarqyndy terapıya bólímshesínde em qabyldady. Onyń íshínde 38 táulík jasandy ókpe jeldetu apparatynda boldy.
Árbír kún ońaıǵa soqqan joq. Dárígerler táulík boıy balanyń jaǵdaıyn baqylap, emdeu taktıkasyn túzetíp, álí tolyq jetílmegen aǵzanyń qyzmetín qoldap, sábıdíń bírtíndep kúsh jınap, sauyǵuyna bar kúsh-jígerín saldy.
Osy kúrdelí jolda nárestege medıtsınalyq kómek kórsetken dárígerlerdíń bírí – neonatolog-reanımatolog dáríger Nargıza Oskarova. Neonataldyq qyzmettíń jūmysyn dırektordyń neonataldyq qyzmet jóníndegí orynbasary Aınurym Sarbas úılestírdí.
Qazír kíshkentaı patsıentke 63 kún toldy. Eń qıyn kezeń artta qaldy. Qazírgí uaqytta ol jańa tuǵan náresteler patologıyasy bólímshesíne auystyrylyp, árí qaraıǵy kútímí men emín dáríger Akerke Tūrǵynbek júrgízude.
Būl oqıǵanyń artynda dańǵaza sózder joq. Mūnda ekí aı boıy náresteníń ómírí úshín kúresken, onyń sauyǵu jolyndaǵy eń mańyzdy qadamdaryn jasauyna kómektesken №2 Qalalyq perınataldyq ortalyq dárígerleríníń, meıírgerleríníń jáne barlyq qyzmetkerleríníń kúndelíktí qajyrly eńbegí jatyr.
Sábıdíń anasy ūlynyń ómíríndegí eń qıyn árí alańdaushylyqqa toly kúnderde kásíbı sheberlík, qamqorlyq jáne qoldau kórsetken ortalyqtyń medıtsına qyzmetkerleríne shynaıy alǵysyn bíldírdí.
Búgíngí kúní nárestení alda qalpyna keludíń jańa kezeńí kútíp tūr. Al onyń janynda būrynǵydaı ósuíne, kúsh jınauyna jáne sauyǵuyna kómektesudí jalǵastyryp jatqan bílíktí mamandar bar.