Zań jobalaryn qarau tártíbí aıtarlyqtaı ózgertíldí, dep habarlaıdy aqshamnews.kz tílshísí.
Qūryltaı reglamentí Qazaqstan Respublıkasynyń jańa Konstıtutsıyasynyń normalaryna jáne «Qazaqstan Respublıkasynyń Qūryltaıy jáne onyń deputattarynyń mártebesí turaly» Konstıtutsıyalyq zańǵa sáıkes ázírlendí. Qūjat Qūryltaı deputattarynyń qyzmetín retteıdí.
Reglament – Qūryltaı qyzmetín ūıymdastyrudy aıqyndaıtyn keshendí qūjat. Ol Qazaqstan Respublıkasy Parlamentíníń jáne onyń Palatalarynyń būryn qoldanysta bolǵan reglamentterí negízínde ázírlendí. Qūryltaıdyń bír palataly modelín jáne onyń konstıtutsıyalyq ókílettíkteríníń jańa júıesín eskere otyryp, otyrystardy ótkízu tártíbí bírízdendíríldí, al termınologıya jańa Konstıtutsıyaǵa sáıkestendíríldí.
Qūryltaıda zań jobalaryn qarau tártíbí aıtarlyqtaı ózgertíldí. Zań jobalaryn qaraudyń úsh kezeńdí modelí belgílendí. Bírínshí oqylymda zań jobasynyń negízgí erejelerí, maqsattary men míndetterí talqylanady. Ekínshí oqylymda bas komıtettíń salystyrmaly kestesíne engízílgen túzetuler qaralady. Úshínshí oqylymda zań jobasynyń túpkílíktí redaktsıyasy Qazaqstan Respublıkasynyń Konstıtutsıyasyna sáıkestígí jáne qūqyqtyq olqylyqtardy joyu tūrǵysynan qaralady. Būl rette halyqaralyq sharttardy ratıfıkatsıyalau (denonsatsıyalau) ekí oqylymda qaralady.
Jańa konstıtutsıyalyq organ – Qazaqstan Halyq Keńesímen ózara ís-áreket jasau tártíbí jeke reglamentteldí. Onyń ókílderí óz ókílettíkteríne jatqyzylǵan máseleler boıynsha tyńdaularǵa, tūraqty komıtetter men jūmys toptarynyń otyrystaryna qatysuǵa qūqyly.
Sondaı-aq deputattyq ádep qaǵıdalary men Ádep jóníndegí keńestíń qyzmetín ūıymdastyru tártíbí jeke aıqyndalady.
Qorytyndy erejeler Qūryltaı qyzmetíníń bastaluy kezínde zańnamalyq protsestíń úzdíksízdígín qamtamasyz etedí. Būǵan deıín Májílíske engízílgen zań jobalaryn Qūryltaı jańa Reglamenttíń qaǵıdalary boıynsha qaraudy jalǵastyrady. Osylaısha, qūqyqtyq sabaqtastyq saqtalyp, Parlamenttíń ekí palataly modelínen bíryńǵaı Qūryltaı qyzmetíne ūıymdasqan túrde kóshu qamtamasyz etíledí.