Qazgıdromet sınoptıkterí 14, 15 jáne 16 aqpanǵa arnalǵan aua raıy boljamyn ūsyndy, - dep habarlaıdy aqshamnews.kz tílshísí.
Tsıklon jauyn-shashynǵa áser etedí
Boljamǵa sáıkes, kezeńníń basynda Qazaqstan aumaǵynyń basym bólígínde antıtsıklon jotasynyń yqpalymen jauyn-shashyn boljanbaıdy.
"15 aqpannan bastap respublıkanyń batysyna soltústík-batys tsıklony yǵysa bastaıdy. Ol shyǵysqa qaraı jyljı otyryp, jańbyr men qar túríndegí jauyn-shashynǵa, boranǵa, sondaı-aq, el boıynsha temperaturanyń bírtíndep kóteríluíne sebep bolady", - dedí sınoptıkter.
Ońtústík jáne ońtústík-shyǵys óńírlerde aua raıy tūraqsyz bolady, óıtkení ońtústíkten kelgen tsıklonmen baılanysty atmosferalyq fronttar ótedí. Sol sebeptí búkíl kezeń boıy jańbyr men qar aralas jauyn-shashyn kútíledí, al 14–15 aqpanda jauyn-shashyn kóbírek árí kúshtírek boluy múmkín.
Elímíz boıynsha jel kúsheıíp, kóktaıǵaq boluy múmkín, sondaı-aq, tūman túsedí.
Aqpandaǵy "tosynsyı"
Būǵan deıín sınoptıkter Qazaqstan boıynsha aqpannyń jalpy boljamyn da jarıyalaǵan. Aqpan ádettegíden jylyraq, al jauyn-shashyn mólsherí qalypty deńgeıde bolady dep kútíledí.
