Almatynyń jańa Darhan Satybaldy árbir almatylyqtyń múddesi úshin óz mindetterin jaýapty jáne kásibı oryndaýǵa kepildik beretinin aıtty, dep habarlaıdy aqshamnews.kz.
Jańa taǵaıyndalǵan ákim Almatynyń elimizdiń iri megapolısi ǵana emes, sonymen qatar mádenı, ekonomıkalyq, ǵylymı jáne bilim berý ortalyǵy ekenin atap ótti. Onyń aıtýynsha Almaty shahary baı tarıhy bar, rýhy erekshe jáne úlken múmkindikter qalasy.
"Sonymen qatar, qalamyzda birqatar syn-qaterler bar. Bul, eń aldymen, ekologıalyq problemalar, kólik júktemesi, sapaly jáne turaqty sýmen jabdyqtaý máseleleri, ınjenerlik jelilerdiń tozýy, tyǵyz qurylys.
Bizdiń aldymyzda qalanyń odan ári turaqty damýy jáne árbir almatylyqtyń ómir súrý sapasyna baılanysty mindetter tur", - dedi Darhan Satybaldy.
Almaty qalasynyń ákimi jumysynyń túıindi basymdyqtary nege negizdeletinine toqtaldy.
Kólik júıesin damytý jáne ekologıany jaqsartý
Qoǵamdyq kólikti damytý ákimdik qyzmetiniń basym baǵyttarynyń biri bolyp qala beredi.
Kúndelikti kólik keptelisterimen, joldardyń shamadan tys júktelýimen, atmosferalyq aýanyń lastanýymen baılanysty máselelerdi sheshý úshin zamanaýı jáne ekologıalyq avtobýstardy satyp alý, avtobýs jáne troleıbýs jelilerin keńeıtý, marshrýttardy ońtaılandyrý jáne qozǵalys aralyqtaryn qysqartý qamtamasyz etiletin bolady. Sondaı-aq, metropolıten qurylysy qarqyndy júrgizilip, BRT jelileri keńeıtiledi.
"Almaty ekologıalyq turaqty megapolıske aınalýy tıis. Ol úshin sapaly kógaldandyrý, qoǵamdyq keńistikterdi damytý, qoqystardy bólek jınaý jáne kádege jaratý, energıa tıimdiligi jáne tabıǵı resýrstardy utymdy paıdalaný jónindegi bastamany qoldaý, elektromobılder men ekologıalyq taza tehnologıalarǵa kóshý úshin yntalandyrýdy engizý qamtamasyz etiledi", - dedi ol.
Turǵyndardyń jaılylyǵy men qaýipsizdigi
Jaıly qalalyq orta bazalyq ınfraqurylymnan bastalady.
"Biz komýnaldyq jeliler – sýmen qamtý, jylýmen jabdyqtaý, elektrmen qamtamasyz etý jelilerin júıeli modernızasıalaýdy júrgizemiz.
Turǵyn úı qory men qoǵamdyq ǵımarattardyń seısmıkalyq qaýipsizdigine erekshe kóńil bóletin bolamyz", - dedi Darhan Satybaldy.
Aýdandardy abattandyrý, aýlalardy, kóshe jaryǵyn, trotýarlardy, halyqtyń júrip-turýy qıyn toptary úshin qoljetimdi ortany qurý – munyń bári jáı ǵana ýáde emes, naqty merzimderi men nátıjeleri bar jospar bolady, dep sendirdi ol.
Ekonomıkanyń turaqty damýy jáne kásipkerlikti qoldaý
Almaty – bastamashyl jáne tapqyr adamdardyń qalasy.
"Biz shaǵyn jáne orta bızneske jańa qarjy quraldary, jeńildetilgen ákimshilik rásimder jáne ındýstrıalyq aımaqtardy damytý arqyly qoldaý kórsetemiz.
Qala IT-salany, startaptardy, kreatıvti ındýstrıalardy, týrısik jáne bilim berý qyzmetterin damytý alańyna aınalady.
Biz problemalardy jedel sheshý úshin bıznes pen jergilikti atqarýshy organdardyń tıimdi dıalog júrgizý júıesin quramyz", - dedi Darhan Satybaldy.
Qoljetimdi jáne sapaly bilim berý, densaýlyq saqtaý jáne áleýmettik qorǵaý
Sapaly qyzmetter turǵylyqty jerine qaramastan barlyǵyna qoljetimdi bolý kerek.
"Biz belsendi damyp kele jatqan aýdandarda jańa mektepter men balabaqshalar salamyz, jumys istep turǵan oqý oryndaryn jańǵyrtyp, sıfrlyq bilim berý tehnologıalaryn engizemiz.
Densaýlyq saqtaý júıesi emhanalardy jańartý, shalǵaıdaǵy shaǵyn aýdandarda jańa medısınalyq pýnktter salý, qyzmetterdi sıfrlandyrý jáne salalyq mamandarǵa qoljetimdilik arqyly kúsheıtiletin bolady", - dedi qala basshysy.
Sondaı-aq, Darhan Satybaldynyń sózinshe, halyqtyń osal toptary – kópbalaly, qart, múgedektigi bar adamdardy áleýmettik qoldaýǵa erekshe nazar aýdarylyp, qala árbir adamǵa kóńil bóletin bolady.
Almaty jastar qalasy, elimizdiń bilim berý ortalyǵy, kreatıvti jáne tapqyr jastar tartylatyn núkte bolyp sanalady.
Almaty – bilim alýdy, damýdy, jasampazdyqty, eldi ózgertýdi qalaıtyndar úshin tartylys núktesi.
Jańa taǵaıynjalǵan ákimniń aıtýynsha, jastardy, olardyń bastamalaryn qoldaý, bilim alý, bıznesti bastaý, shyǵarmashylyq jobalardy iske asyrý úshin ınfraqurylymdy damytý — meniń jumysymnyń negizgi basymdyqtarynyń biri bolady.
"Biz Almatyǵa bilim alý úshin kelgen jas óziniń bolashaǵy men qalanyń keleshegin qurý úshin osynda qalatyn jaǵdaı jasaýǵa mindettimiz", - dedi Darhan Satybaldy.
Ashyqtyq, dıalog jáne esep berý
Darhan Satybaldynyń basqarýdaǵy basty qaǵıdattarynyń biri jergilikti atqarýshy organdardyń ashyqtyǵy jáne turǵyndarmen turaqty dıalog júrgizý bolmaq.
Qala basshysynyń sendirýinshe, qarqyndy damyp kele jatqan megapolıste tek keri baılanys, azamattardyń senimi men qoldaýy arqyly turaqty jáne ádil qalalyq saıasat qurýǵa bolady.
"Sondyqtan men aýdandarǵa — aldyn ala daıyndalǵan marshrýttarǵa emes, aýlalarǵa, mektepterge, bazarlar men kóshelerge, ıaǵnı shynaıy Almatyǵa únemi shyǵyp turatyn bolamyn.
Men turǵyndarmen turaqty dıalog júrgizý jáne qalany damytý úshin qabyldanatyn sheshimderdiń ashyqtyǵy arqyly «Halyq únine qulaq asatyn memleket» tujyrymdamasynyń iske asyrylýyn qamtamasyz etýge mindettenemin.
Árbir almatylyqtyń múddesi úshin óz mindetterin jaýapty jáne kásibı oryndaýǵa kepildik beremin. Tek kúsh-jigerdi biriktire otyryp, biz Almatyny shynymen jaıly, jasyl, zamanaýı jáne qaýipsiz qalaǵa aınaldyra alatynymyzǵa senimdimin", - dedi Darhan Satybaldy.
Búgin, 2025 jyldyń 24 mamyry kúni Premer-mınıstr Oljas Bektenov Almaty aktıvine jańa ákim - Darhan Satybaldyny tanystyrdy.
Prezıdent jarlyǵymen buǵan deıin qala ákimi bolǵan Erbolat Dosaev qyzmetinen bosatyldy.
Darhan Satybaldy Almaty ákimi bolyp taǵaıyndaldy.