Almaty ákímí Darhan Satybaldy ortalyqtaǵy kósheníń jaryqtandyru júıesíníń jaı-kúıímen tanysyp, keshkí uaqytta bírqatar nysandy aralap shyqty. Abaı jáne Seıfullın dańǵyldary, Áıtıev kóshesí, sondaı-aq Qazaq memlekettík tsırkí aldyndaǵy alańnyń jaryq júıesí basty nazarda boldy.
Jūmys sapary barysynda qala basshysyna jaryqtandyru júıesín jańǵyrtu baǵytynda júzege asyrylyp jatqan jáne aldaǵy josparlanǵan sharalar tanystyryldy. Energetıka jáne sumen qamtamasyz etu basqarmasy basshysynyń míndetín atqarushy Nūrbaqyt Seríkbaıdyń aıtuynsha, aǵashtyń japyraǵymen kóleńkelenetín aumaqtardy jaryqtandyru maqsatynda qala kóshelerínde ūzyndyǵy 4 metrge deıín jetetín kronshteınder ornatylyp jatyr. Būl sheshím jaryqtyń bírkelkí túsuíne, túngí uaqytta qozǵalys qauípsízdígín arttyruǵa jáne jasyl jelektí saqtauǵa múmkíndík beríp otyr.
«Abaı dańǵylynyń boıynda ǵana 293 kronshteın men 634 zamanauı jaryq shamy ornatyldy. Alleya boıyndaǵy aǵashtardy qosymsha jaryqtandyru úshín 253 projektor qoıyldy», – dedí «Almaty Qala Jaryq» memlekettík kásípornynyń dırektory Igor Mysık. Onyń aıtuynsha, mūndaı jūmystar Áuezov kóshesínde de atqarylyp, mūnda 30 kronshteın men 170 sham ornatylǵan.
Sapar ayasynda qalany jaryqtandyruynyń arnaıy josparyn ázírleu barysyna erekshe mán beríldí. Qazaq memlekettík tsırkí aldyndaǵy alańda pılottyq joba kórsetíldí: mūnda eskí tírekter jańasyna auystyrylyp, 15 jaryq tíregí, 18 kronshteın jáne 450 metr kabel ornatylǵan. Sheber jospar Almatynyń ortalyq bólígín jáne negízgí kólík joldaryn qamtıdy. Jobany 2025 jyldyń tamyz aıynda ayaqtau josparlanǵan.
Seıfullın dańǵyly boıynda da ekíqabat ūzartylǵan kronshteınder ornatylyp, jasyl jelekke zıyan keltírmeı jaryqtandyru deńgeıín arttyruǵa múmkíndík jasaldy. Būl uchaskede baılanys jelílerí tírekteríne 18 kronshteın men 36 jaryq shamy ornatylǵan.
«Jūmys qashan bastaldy, qashan ayaqtalady jáne nátıjesí qandaı bolmaq degendeı maǵan naqty qūjat kerek. Atqarylǵan jáne aldaǵy jūmystardyń jaı-kúıín baǵalau úshín barlyǵy kórnekí kórsetílgen naqty grafıktí kórgím keledí», – dedí qala ákímí.
Almaty ákímí Darhan Satybaldy kóshe jaryǵyn jańǵyrtu jūmystarynyń ár kezeńín sapaly árí uaqytyly oryndaudy, sondaı-aq, qauípsízdík, jasyl jelektí saqtau jáne qalanyń sáulettík kelbetín eskere otyryp júzege asyrudy tapsyrdy.
