Qazaqstanda būrynǵy bas kólík prokurory Maqsat Dúısenovke ízdeu jarıyalandy. Íshkí íster mınıstrí Erjan Sadenov būl jaǵdaıǵa qatysty píkír bíldírdí , - dep habarlaıdy Aqshamnews.kz tílshísí.
Būl aqparatty Bas prokuraturanyń qūqyqtyq statıstıka jáne arnaıy esepke alu organdarynyń portalynda ízdestíru ísí 29 tamyzda Almaty qalasy Almaly audandyq polıtsıya basqarmasynyń bastamasymen prokuratura tarapynan tírkelgení jazylǵan. 52 jastaǵy Dúısenov ízdeudegí tūlǵalar bazasynda tūr.
Íshkí íster mınıstrí Erjan Sadenov búgín kuluarda būl máselege qatysty píkír bíldírdí.
"Ízdeu ınıtsıatory bíz emes. Qylmystyq ís qozǵalǵanyna baılanysty, Sízge (jurnalısterge - esk.) qūzyrly organdarǵa júgínu qajet. Iá, ízdeu jarıyalanǵan. Būl máselení bastamashymen bírlesíp sheshemíz", - dedí Sadenov.
Ízdeu jarıyalanǵan Maqsat Dúısenov qaı bap boıynsha kúdíkke ílíngení belgísíz. Mınıstr Erjan Sadenov būl sūraqqa jauap bergen joq.
Maqsat Dúısenov turaly ne belgílí?
Maqsat Dúısenov 2018 jylǵy tamyzda sol kezdegí bas prokuror Qaırat Qojamjarovtyń būıryǵymen Qazaqstannyń bas kólík prokurory bolyp taǵaıyndalǵan.
2013–2014 jyldary Qazaqstan Respublıkasy Qauípsízdík keńesíníń sektor meńgerushísí qyzmetín atqardy.
2016–2018 jyldary Sybaılas jemqorlyqqa qarsy ís-qımyl ūlttyq byurosy basshysynyń orynbasary bolyp jūmys ístedí.
2018 jylǵy qańtardan bastap bas kólík prokurorynyń bírínshí orynbasary qyzmetín atqarǵan.
