Búgín Qazaqstannyń basym bólígínde jańbyr jauyp, naızaǵaı oınaıdy, dep habarlaıdy Aqshamnews.kz tílshísí.
«Qazgıdromet» málímetínshe, el aumaǵyna soltústík-batys tsıklony áser etíp, batys pen soltústík-batys óńírlerde nóser jańbyr, būrshaq jáne ekpíndí jel kútíledí. Al shyǵys jáne ońtústík-shyǵys aımaqtarynda jauyn-shashynsyz aua raıy saqtalady.
Sınoptıkter respublıka boıynsha jel kúsheıetínín, keı óńírlerde shańdy dauyl bolatynyn eskerttí. Sonymen qatar Qyzylorda, Qaraǵandy, Pavlodar oblystarynda, Ūlytau men Abaı oblystarynda, Túrkístan, Jambyl, Almaty, Jetísu óńírleríníń bírqatar aumaǵynda joǵary órt qaupí saqtalady. Jetísu oblysynyń ońtústík jáne ońtústík-shyǵysynda tótenshe órt qaupí jarıyalanǵan.
Almatyda búgín kún ala būltty bolady, jauyn-shashyn kútílmeıdí. Aua temperaturasy kúndíz +28+30 gradusqa deıín kóteríledí.
Astanada ótkínshí jańbyr jauyp, naızaǵaı oınaıdy. Kúndíz aua temperaturasy +25+27 gradus bolady. Shymkentte de jauyn-shashynsyz ystyq aua raıy saqtalyp, termometr baǵany +34 gradusqa deıín jetedí.
Sondaı-aq sınoptıkter tauly aımaqtardaǵy ózenderde su deńgeıí qūbylyp, Soltústík Qazaqstan oblysyndaǵy Esíl ózenínde su kóteríluí múmkín ekenín eskerttí.