AQSh Qaruly kúshteríníń Ortalyq qolbasshylyǵy Oman shyǵanaǵy mańynda Iran tuy bar tankerge shabuyl jasalǵanyn málímdedí, dep habarlaıdy Aqshamnews.kz tílshísí.
CENTCOM-nyń X áleumettík jelísínde jarıyalaǵan málímetínshe, Hasna tankerí halyqaralyq sular arqyly Iran portyna qaraı bet alǵan. Amerıkalyq tarap keme ekıpajyna blokadany būzǵany turaly bírneshe ret eskertu jasaǵan.
Qolbasshylyqtyń habarlauynsha, eskertuler oryndalmaǵannan keıín AQSh kúshterí tankerdíń rulín ísten shyǵarǵan. Būl úshín USS Abraham Lincoln áue kemesí tasymaldaǵyshynan kóterílgen AQSh Áskerı-teńíz kúshteríníń F/A-18 Super Hornet ūshaǵy 20 mıllımetrlík zeńbírekten bírneshe ret oq atqan.
«Hasna endí Iranǵa qaraı qozǵalysyn jalǵastyrmaıdy», — delíngen habarlamada.
CENTCOM Iran porttaryna kíruge nemese olardan shyǵuǵa tyrysqan kemelerge qarsy amerıkalyq blokada kúshínde qalatynyn málímdedí.
Aıta keteıík, AQSh Áskerı-teńíz kúshterí Ormuz būǵazyndaǵy blokadany 13 sáuírde bastaǵan. Vashıngtonnyń málímetínshe, Iranmen baılanysy joq kemeler Tegeranǵa jolaqy tólemegen bolsa būǵaz arqyly erkín óte alady.