Otan qorǵaushy kúníne oraı Almatydaǵy «Sūńqar» halyqaralyq shańǵy tramplınderí keshenínde Memlekettík Tu saltanatty túrde kóteríldí, – dep habarlaıdy aqshamnews.kz tílshísí.
Saltanatty rásímge Almaty ákímí Darhan Satybaldy, áskerı bólímderdíń, qūqyq qorǵau organdarynyń, úkímettík emes jáne jastar ūıymdarynyń ókílderí qatysty.
Memlekettík Tudy kóteru barysynda áskerı úrmelí aspaptar orkestríníń súıemeldeuímen Qazaqstan Respublıkasynyń Ánūrany oryndaldy.
Merekelík ís-shara árí qaraı 28 gvardıyashy-panfılovshylar atyndaǵy sayabaqta kontserttík baǵdarlamamen jalǵasty.
Kontsert Almaty qalasy ákímíníń estradalyq-sımfonıyalyq orkestrí men «Saltanat» memlekettík bı ansamblíníń súıemeldeuímen shyrqalǵan «Ūly elím» ánímen ashyldy. Sahnada tanymal otandyq estrada jūldyzdary patrıottyq ánder oryndady.
Sondaı-aq, qazaq batyrlary turaly teatrlandyrylǵan qoıylymdar men patrıottyq horeografıyalyq kompozıtsıyalar ūsynyldy.