10 mamyrda Qazaqstanda negízgí ŪBT bastaldy. Testíleu 10 shíldege deıín jalǵasady. Būl turaly Ǵylym jáne joǵary bílím mınıstrlígí málímdedí, – dep habarlaıdy aqshamnews.kz tílshísí.
74 paıyzy qazaq tílínde ótedí
Testíleuge qatysuǵa shamamen 240 myń talapker ótínísh bergen. Ekí múmkíndík eskerílgende, 446 myńnan asa ótínísh qabyldandy. Onyń íshínde ŪBT tapsyrushylardyń 74 paıyzy testíleudí qazaq tílínde, shamamen 26 paıyzy orys tílínde, 851 adam aǵylshyn tílínde tapsyrudy tańdaǵan.
"Ótínísh beru kezínde talapkerler testíleu kúnín, uaqytyn jáne ótkízu punktín ózderí tańdady. ŪBT-nyń alǵashqy kúní el boıynsha 926 adam test tapsyryp jatyr, onyń íshínde Astanada 359 talapker bar. Jalpy ŪBT 45 testíleu punktínde ūıymdastyryldy", - dedí Ūlttyq testíleu ortalyǵynyń dırektory Nūrseıít Baıjanov.
Eń tanymal pánder
Baıjanovtyń aıtuynsha, bírneshe jyldan berí talapkerler arasynda eń tanymal beıíndík pánder - "Matematıka-Fızıka". Būl baǵytty talapkerlerdíń 17,9 paıyzy tańdaǵan. Būl jastardyń ınjener, mūǵalím, energetık, qūrylysshy jáne basqa da tehnıkalyq mamandyqtarǵa qyzyǵushylyǵy joǵary ekenín kórsetedí.
Odan keıín "Bıologıya-Hımıya" tūr. Ony talapkerlerdíń 14,5 paıyzy tańdaǵan. Būl baǵyt negízínen bolashaq medıtsına mamandaryna arnalǵan. Al "Shyǵarmashylyq emtıhandy" 12,4 paıyz talapker tańdaǵan. Būl shyǵarmashylyq salaǵa qyzyǵatyn jastar arasynda sūranysqa ıe.
ŪBT qandaı formatta ótedí?
2026 jyly ŪBT formaty ózgeríssíz qalady. Talapkerler úsh míndettí jáne óz tańdauy boıynsha ekí beıíndík pán tapsyrady. Tapsyrmalardyń jalpy sany ózgermeıdí jáne 120 bolady. Onyń íshínde 20 tapsyrma "Qazaqstan tarıhy" páníne, 10 tapsyrmadan "Oqu sauattylyǵy" men "Matematıkalyq sauattylyqqa", sondaı-aq, árbír ekí beıíndík pán boıynsha 40 tapsyrmadan beríledí. ŪBT-nyń eń joǵary múmkín nátıjesí - 140 ball.
Emtıhanǵa qansha uaqyt beríledí?
Testíleu uaqyty – 4 saǵat (240 mınut). Erekshe bílím beru qajettílíkterí bar balalar úshín qosymsha 40 mınuttyq uaqyt saqtalady.
Test tapsyrushylarǵa ne qoljetímdí bolady?
Negízgí ŪBT-ǵa daıyndyq deńgeıín arttyru úshín qańtar jáne nauryzdaǵy testíleuden ótken talapkerlerge ár pán boıynsha jeke taqyryptyq taldau ūsynyldy. Yaǵnı, árbír ŪBT-dan keıín túlekterdíń daıyndalyp, álsíz taqyryptaryn pysyqtauǵa múmkíndígí boldy. Sondaı-aq, bírínshí múmkíndíktí tapsyrǵannan keıín olarda ekínshí testíleuge daıyndyqtaryn jaqsartuǵa uaqyt bolady.
Daıyndyq deńgeıín baǵalau jáne emtıhan formatyna beıímdelu úshín synaq testíleuínen ótu múmkíndígí qarastyrylǵan. Sonymen qatar, Ūlttyq testíleu ortalyǵynyń saıtynda mynalar ornalastyrylǵan: tapsyrmalar qūrastyrylǵan ádebıetter tízímí men test spetsıfıkatsıyasy; Qazaqstan tarıhy men dúnıejúzí tarıhy boıynsha 100 tarıhı data tízímí; ınformatıka boıynsha termınder tízímí; qazaq jáne orys ádebıetí boıynsha shyǵarmalar tízímí.
Emtıhan kezínde testíleu baǵdarlamasynda kalkulyator, hımıyalyq elementterdíń perıodtyq júıesí jáne tūzdardyń erígíshtík kestesí qoljetímdí bolady. Sonymen qatar, talapkerlerge yńǵaıly bolu úshín kestelerdíń qaǵaz nūsqalary da beríledí.
Apellyatsıyaǵa qalaı ótínísh beruge bolady?
Talapkerdíń jeke kabınetínde Respublıkalyq apellyatsıyalyq komıssıya otyrysynyń merzímí kórsetíledí. Respublıkalyq apellyatsıyalyq komıssıya otyrysy bastalǵanǵa deıín apellyatsıya ótíníshín jeke kabınetínde qaıtaryp alu múmkíndígí bar. Apellyatsıya ótíníshín qaıtaryp alǵannan keıín sertıfıkat talapkerdíń jeke kabınetínde bír jūmys kúní íshínde qoljetímdí bolady.
Shektí baldar
Oquǵa túsu úshín mınımal shektí baldar būrynǵy deńgeıde qalady. Ūlttyq joǵary oqu oryndaryna túsudíń shektí baly – 65 ball, basqa joǵary oqu oryndaryna – 50 ball, "Pedagogıkalyq ǵylymdar" bílím beru salasy boıynsha – 75 ball, "Densaulyq saqtau" bílím beru salasy boıynsha – 70 ball, "Qūqyq" dayarlau baǵyty boıynsha – 75 ball.
Būl rette Qazaqstan tarıhy jáne ekí beıíndík ŪBT pání jáne (nemese) shyǵarmashylyq emtıhan boıynsha kemínde 5 ball, al "Oqu sauattylyǵy" men "Matematıkalyq sauattylyq" pánderí boıynsha – kemínde 3 ball.
Sondaı-aq, JOO-lar bílím beru baǵdarlamalarynyń toptary boıynsha ózderíníń shektí baldaryn belgíleı alady.
Qauípsízdík
Qauípsízdíktí qamtamasyz etu jáne būzushylyqtardyń aldyn alu maqsatynda testíleuge kíreberíste tyıym salynǵan zattardy, mysaly, telefondardy, shpargalkalardy jáne t.b. alyp kíruge jol bermeu úshín qol jáne ramalyq metall ízdegíshter qoldanylady.
Testíleu audıtorıyalarynda rūqsat etílgen magnıttík tolqyndar shegínde mobıldí jáne radıoelektrondy baılanys sıgnaldaryn basatyn qūrylǵylar paıdalanylady, sondaı-aq beınebaqylau júrgízíledí.
2026 jylǵy ŪBT ayaqtalǵannan keıín, 31 qazanǵa deıín beınejazbalarǵa taldau júrgízíledí. Tyıym salynǵan zattardy paıdalanu nemese basqa da erejelerdí būzu faktílerí anyqtalǵan jaǵdaıda, oquǵa túsushíníń ŪBT nátıjelerí (sondaı-aq grant ıegerí atanǵan jaǵdaıda bílím beru grant kuálígí) joıylady.