Būl kún Qazaqstanda da atalyp ótíledí, – dep habarlaıdy aqshamnews.kz tílshísí.
15 mamyr – 1993 jyly Bíríkken Ūlttar Ūıymynyń Bas Assambleyasynyń sheshímmen Halyqaralyq otbasy kúní retínde bekítíldí. Alǵash ret 1994 jyly atalyp óte bastady.
Atalmysh datany otbasy kúní retínde belgíleudíń astarynda álem boıynsha otbasy qūndylyqtaryna nazar audaru boldy. Būl kún otbasy músheleríne qūrmet kórsetíp, jaqyn adamardy qadírleuge baulıdy.
Otanǵa súıíspenshílík óz otbasyńa degen ystyq sezímnen bastalady. Ózíń ósíp-óngen shańyraǵyńda alǵan úlgílí tálím-tárbıeń – ūlttyń kemeldí keleshegíníń kepílí. Memleket basshysy Qasym-Jomart Kemelūly Toqaev atap kórsetkendeı, árbír jarasymdy janūya – elímízdíń ósíp-órkendeuí men damuynyń negízí.
Otbasy ūǵymy bízdíń halqymyz úshín qashanda qasıettí bolyp tabylady. Qaı kezden de ol basty qūndylyq, ruhanı quattandyrushy jáne jíger berushí, tírek pen qoldau kózí bolyp tabylady.
Aıta keteıík, elímízde 6,2 mıllıonnan astam otbasy bar.
Sonymen qatar jyl saıyn dástúrlí túrde "Analar" men "Ákeler kúnín" toılanyp keledí. "Mereılí otbasy" ūlttyq konkursy taǵy bar. Būl sharalar qoǵamda úlken qoldau tauyp, ūrpaqtar arasyndaǵy baılanysty nyǵaıtuǵa sep boldy. Mūnyń bárí otbasy – bárín bíríktíretín qūndylyq ekenín ańǵartady.