29 qyrkúıekten 30 qyrkúıekke qaraǵan túní Bostandyq audanynda avtokólík qozǵalysyna uaqytsha shekteu engízíledí. Būl turaly «Almaty Su» kásíporny habarlady.
Myńbaev kóshesíndegí qūbyr jelílerín auystyru jūmystaryna baılanysty Manas kóshesínde, Abaı dańǵyly men Sátbaev kóshesíníń arasyndaǵy aumaqta, 29 qyrkúıek saǵat 22:00-den 30 qyrkúıek saǵat 08:00-ge deıín qozǵalys shekteledí.
Atalǵan shekteu jol qozǵalysy qauípsízdígín qamtamasyz etíp, jóndeu jūmystaryn sapaly atqaru maqsatynda engízíledí.
Qazírgí uaqytta Myńbaev kóshesínde suyq su jelílerín jańǵyrtu jalǵasyp otyr. Joba audannyń 50 myńnan astam tūrǵynyn senímdí árí tūraqty auyz sumen qamtamasyz etuge múmkíndík beredí.
Eske sala keteıík, qozǵalysty shekteu turaly barlyq aqparat Almaty.kz saıtynda, @AlmatyJoly Telegram arnasynda, audan ákímdíkteríníń jáne basqarmalardyń áleumettík jelílerínde, sondaı-aq 2GIS pen «Yandeks kartalar» qosymshalarynda jarıyalanady.