Kásípker Qaırat Boranbaev "Qaırat" futbol klubyn qalaı satyp alǵany turaly aıtyp berdí, - dep habarlaıdy aqshamnews.kz tílshísí kursiv.media-ǵa sílteme jasap.
Būl turaly ol Armanjan Baıtasovqa bergen sūhbatynda bólístí.
"Ózím de sportpen shūǵyldanǵan adammyn. "Gazprom" "Zenıt" klubyn basqaruyna alǵan jyldar edí. Komanda sapynda Arshavın, Kerjakov, Denısov sekíldí futbolshylar oınaıtyn. Bízdí demeushí retínde túrlí matchtarǵa shaqyryp júrdí. Túrlí kezdesuler men matchtardan keıín futbol – adamdardy bíríktíretín kúsh ekenín túsíndím", – deıdí Boranbaev.
Onyń aıtuynsha, "Qaırat" futbol klubyn satyp alu turaly oı Almaty ákímí qyzmetíne Ahmetjan Esímov kelgen uaqytta tuǵan.
"Mení qala ákímí Ahmetjan Smaǵūlūly kezdesuge shaqyrdy. Ol kezde "Qaırat" bírínshí lıgada oınaıtyn. Ákím maǵan demeushí boludy ūsyndy. Ekí jyl demeu kórsetíp júrdík. "Qaırat" joǵary lıgaǵa kóterílíp, taǵy da sońǵy oryn alǵan kez. Stadıonda taǵy da Ahmetjan Smaǵūlūlymen kezdesíp qaldyq. Men odan klubty bízge berudí sūradym", – deıdí kásípker.
Áńgímeníń dál osy tūsyna kelgende klub turaly alty mınuttyq kólemdí rolık kórsetíldí. Onda "Qaırat" 2010 jyly qıynshylyqqa tap bolǵany, alaıda mūndaı daǵdarys 2011 jyly aktsıoner Boranbaevtyń keluímen ayaqtalǵany bayandalady.
"Sol kezde ol [Esímov – red.] qarjyǵa qatysty bírneshe talap qoıdy. Men de óz talabymdy aıtyp, qalanyń būl íske aralaspaǵanyn sūradym. Ekeumíz qol alysqaly berí ár tarap óz uádesínde tūrdy", – dep jalǵastyrdy áńgímesín kásípker.
Boranbaev "Qaırat" úlesí úshín qansha tóledí
Ol kezde Boranbaev "QazMūnaıGaz" ben "Gazpromnyń" bírlesken kompanıyasy – "QazRosGaz" bas dırektory qyzmetín atqaratyn. 2012 jyly "QazRosGaz" futbol kluby aktsıyalarynyń 70%, qala ákímdígí 30% úlesíne ıe bolǵan.
"QazGosGaz" aktsıyalaryn satatyn boldy. Olarǵa futbol kerek bolmady. Men satyp alu turaly ūsynyspen shyqtym. Satyp aldym. Resmı túrde aqshasyn tóledím. Tegín aldy degen áńgímeler shyǵatynyn túsíndím. Olaı emes. Tóledím", – dedí Boranbaev.
Degenmen sūhbat barysynda kásípkerdíń naqty qansha tıyn tólegení turaly eshteńe aıtylmady, bíraq daǵdarǵan klubtyń shyǵyndary sóz boldy.
"Klub bazasy órteníp ketken. Odan qaldy 1,2 mln dollar qaryzy bolǵan", – deıdí 59 jastaǵy kásípker.
Ashyq derekkózderde kásípkerdíń almatylyq klub úlesí úshín qansha tólegení turaly naqty málímet joq. Bíraq bes jyl būryn Boranbaev sūhbattarynyń bírínde 8 mln dollar bergenín aıtyp qalǵan.
Qylmystyq ís jáne Nazarbaev otbasymen baılanysy
2022 jylǵy nauryzda Qaırat Boranbaev qarjy jymqyru boıynsha ístí boldy. 2023 jyly sot ony kínálí dep tanyp, 8 jylǵa bas bostandyǵynan aıyrdy. Bíraq kásípker qamauda kóp otyrǵan joq: memleketke keltírgen shyǵyndy óteuíne baılanysty shartty jazamen bosap shyqty. Qamauda otyrǵanda jáne keıín ol ken oryndary, zauyttary, qonaq úılerí men sauda oryndary sekíldí aktıvterín memleketke ótkízgen.
Boranbaev Qazaqstannyń būrynǵy prezıdentí Nūrsūltan Nazarbaevtyń qūdasy. 2013 jyly eks-prezıdenttíń nemeresí Aısūltan Nazarbaev kásípkerdíń qyzy Álıma Boranbaevaǵa úılengen. Darıǵa Nazarbaevanyń ūly Aısūltan 2020 jylǵy tamyzda Londonda qaıtys bolǵany málím.
