Otandasymyz Aıbek Oralbaı ózbekstandyq etnıkalyq qazaqpen kezdesedi
Serbıa astanasy Belgrad qalasynda ótip jatqan álem chempıonatynda búgin tórt birdeı qazaqstandyq boksshy sharshy alańǵa shyǵady, dep habarlaıdy Almaty-akshamy.kz Egemen.kz-ke silteme jasap.
Kúndizgi sesıada birinshi bolyp ulttyq quramadaǵy talantty boksshylardyń biri Mahmud Sabyrhan rıngke kóteriledi. 54 kılo salmaqta synǵa túsip jatqan ol shotlandıalyq Mettú Makheılmen qolǵap túıistiredi. Kúndizgi sesıa saǵat 17:00-de bastalady. «Qazsport» telearnasy tikeleı efırde kórsetedi.
Keshki sesıada 60 kılo salmaqtaǵy Samatáli Tóltaev kolýmbıalyq Dývan Sýleto Morenomen judyryqtassa, 71 kılo salmaqtaǵy Aslanbek Shymbergenov germanıalyq Magomed Shahıdovtyń shamasyn baıqap kórmek. Boks keshin 92 kılo salmaqtaǵy Aıbek Oralbaı túıindeıdi. Ol Ózbekstan atynan synǵa túsip jatqan etnıkalyq qazaq Madıar Saıdrahımovpen qolǵap túıistiredi. Buǵan deıin eki qazaq boksshysy ózbek oǵlandaryn jarys jolynan yǵystyrǵan bolatyn.