Turızm jáne sport vıtse-mınıstrí Serík Jarasbaev Qazaqstan qūramasynyń XXV qysqy Olımpıada oıyndaryndaǵy alǵashqy nátıjeleríne baǵa berdí, - dep habarlaıdy aqshamnews.kz tílshísí Bestnews.kz-ke sílteme jasap.
— Serík Maratūly, Olımpıada-2026 oıyndarynda Qazaqstan sportshylarynyń alǵashqy óner kórsetuín kórdík. Sízdíń píkíríńíz qandaı?
— Jarystardyń edáuír bólígí artta qaldy. Máselen, frıstaıl-moguldan ótken saıystardyń nátıjelerín kóríp otyrmyz, short-trekshílerímíz alǵashqy qashyqtyqty júgíríp óttí. Mánerlep syrǵanaushy Mıhaıl Shaıdorov qysqa baǵdarlamadan keıín besínshí oryn alyp, álemdegí úzdík mánerlep syrǵanaushylardyń TOP-5 qataryna endí. Erteń Mıhaıl erkín baǵdarlamamen óner kórsetedí. Aıta keteıík, Sofya Samodelkına (áıelder arasyndaǵy jeke syrǵanau – red.) ázírge jarysqa shyqqan joq.
Būdan bólek, osy Olımpıadada alǵash ret jarys baǵdarlamasyna qosymsha parallel mogul engízíldí. Būl saıysta qūramamyzdyń kóshbasshysy, osy dıstsıplına boıynsha álem chempıony Anastasıya Gorodko óner kórsetedí. Onyń Olımpıadada ózín sáttí tanytuyn tíleımíz.
Sondaı-aq, short-trekten Denıs Nıkıshanyń ózíne tán negízgí qashyqtyǵy – 500 metrdegí jarysyn kútemíz. Úmítímíz konkımen júgírushílerge de zor: Olımpıada ayaqtalar qarsańynda olar 1500 metr qashyqtyqta baq synaıdy.
Komandamyzǵa senemíz, jankúıer bolamyz, úmít úzbeımíz, báríne sáttílík tíleımíz. Bíz sportshylarymyzǵa senemíz.
