Aqtóbe oblysynda 25 jastaǵy jígít jasóspírím qyzdy zorlady degen kúdíkke ílíndí, – dep habarlaıdy aqshamnews.kz tílshísí.
Áleumettík jelílerde 14 jastaǵy mektep oqushysynyń zorlanǵany turaly aqparat taraǵan bolatyn. Qūqyq qorǵau organdary atalǵan derektí rastap, qylmystyq ís qozǵalǵanyn habarlady.
Jedel-ízdestíru sharalarynyń nátıjesínde kúdíktí dereu ūstalyp, uaqytsha ūstau ızolyatoryna qamaldy.
Qazírgí uaqytta ístíń mán-jaıyn anyqtau maqsatynda qajettí tergeu jáne protsestík amaldar júrgízílude. Polıtsıya qyzmetkerlerí aıǵaqtardy jınap, qylmystyq protsess qatysushylarynyń barlyq uájderín tekseríp jatyr.
«Tergeu organdary ístíń barlyq egjeı-tegjeıín mūqıyat zerdeleude. Jan-jaqty tekseru qorytyndysy boıynsha zańdy protsestík sheshím qabyldanatyn bolady», - delíngen resmı habarlamada.
Tergeu múddesíne baılanysty, sondaı-aq kámeletke tolmaǵan jábírlenushíníń qūqyqtary men zańdy múddelerín qorǵau maqsatynda ózge málímetter jarıyalanbaıdy.
