Almaty halyqaralyq áuejaıyna Flight 251 evakuatsıyalyq reısímen taǵy 167 Qazaqstan azamaty elge jettí. Shardja qalasynan ūshyp shyqqan ūshaq Almatyǵa sátímen qonyp, elge oralǵansha asyqqan azamattardy alyp keldí, – dep habarlaıdy aqshamnews.kz tílshísí.
Zal tamyr-tanysyn, tuǵan-tuysyn taǵatsyzdana kútken adamdarǵa toly boldy. Tabany jerge tıísímen keıbírí típtí kóz jasyna erík beríp, aman jetkeníne táuba destí. Būl memlekettíń qoldauy men qamqorlyǵynyń arqasy.
Kelgen jolaushylar prezıdentímíz ben Syrtqy íster mınıstrlígíne alǵys bíldírdí. Dál osy mekemelerdíń kúsh-jígeríníń arqasynda evakuatsıya sáttí ūıymdastyrylyp, azamattar aman-esen elge oralǵan bolatyn.
«Bízdí qıyn jaǵdaıda qaldyrmaı, kómek bergen memleketímízge óte rızamyz. Prezıdentke, elge oraluymyzǵa kómektesken SÍM qyzmetkerleríne kóp raqmet. Mūndaı qoldau adamdy kádímgídeı jígerlendíríp jíberedí eken», — deıdí olar.
Elge jetken jolaushylardyń aıtuynsha, evakuatsıyalau jūmysy jyldam árí barynsha ūqypty ūıymdastyrylypty. Dıplomatıyalyq qyzmet ókílderí bárímen baılanysta bolyp, qūjattaryn rásímdeuge kómektesíp, qal-jaǵdaıyn bílíp, aman-esen ūshyp ketuín bastan-ayaq baqylap otyrǵan.
4 nauryz kúní Almaty – Maskat – Almaty baǵyty boıynsha DV5361 reısímen bala-shaǵany qosqanda 314 adam elge jetkízílgen. Evakuatsıyalau jūmysy álí jalǵasyp jatyr. Qaı jerde júrse de, qandaı qıyn jaǵdaıǵa tap bolsa da, memleket azamattaryna árdaıym qol ūshyn sozatynyna dálel būl.
Osy jańa ǵana 5 nauryzda Shardjadan taǵy bír reıs keletínín habarlady.
