Bíryńǵaı jınaqtaushy zeınetaqy qory bıyl JMZJ mólsherí qyzmetkerdíń tabysynyń 3,5 paıyzy bolǵanyn eske saldy, dep habarlaıdy aqshamnews.kz
Dál osy somany jūmys berushí qyzmetker úshín BJZQ-ǵa audaruǵa míndettí.
JMZJ jyl saıyn kezeń-kezeńímen ósíp keledí. Byltyr mólsherleme 2,5 paıyz bolsa, 2024 jyly 1,5 paıyz bolǵan.
Jospar boıynsha, 2027 jyly jarna mólsherí - 4,5 paıyz, al 2028 jyly 5 paıyz bolady.
Anyqtama: JMZJ - būl jūmys berushí qyzmetkerdíń óz míndettí zeınetaqy jarnalaryna qosymsha retínde tóleıtín jarnalar.
JMZJ kímderge tólenedí?
2024 jyldyń 1 qańtarynan bastap Qazaqstanda jūmys berushíler óz qyzmetkerlerí úshín zeınetaqy jarnalaryn BJZQ-ǵa audaruǵa míndettí.
JMZJ 1975 jyly tuǵan jáne odan keıín tuǵan azamattarǵa arnalǵan. Būl sanattaǵy adamdardyń 1998 jylǵa deıíngí eńbek ótílí az nemese múlde bolmaǵandyqtan, olar yntymaqty zeınetaqy alu qūqyǵyna tolyq ıe bola almaıdy. Nátıjesínde olardyń zeınetaqysy úsh bólíkten tūrady:
bazalyq - memleketten;
jınaqtaushy - qyzmetkerdíń óz jarnalary esebínen;
shartty-jınaqtaushy - jūmys berushíníń jarnalary (JMZJ) esebínen.
1975 jyldan būryn tuǵan qyzmetkerlerge, zeınetkerlerge, 1–2 toptaǵy múgedektígí bar adamdarǵa, sondaı-aq áskerı qyzmetshíler men olarǵa teńestírílgen tūlǵalarǵa jūmys berushíler JMZJ tólemeıdí. Tólemderdíń uaqtyly audaryluyn Qarjy mınıstrlígíníń Memlekettík kíríster komıtetí baqylaıdy.
JMZJ esebínen tólenetín zeınetaqy tólemderí ómír boıyna taǵaıyndalady. Alaıda tūraqty tūru úshín shetelge kóshken nemese azamattyǵyn ózgertken jaǵdaıda būl tólemder toqtatylady. Būl rette tek qyzmetkerdíń jeke jınaqtaushy jarnalaryn ǵana aluǵa bolady, al JMZJ qarajaty BJZQ-da qalady, óıtkení ol qyzmetkerdíń menshígí bolyp sanalmaıdy jáne mūraǵa qaldyrylmaıdy. Azamattyǵyn ózgertken nemese qaıtys bolǵan adamdar úshín audarylǵan jarnalar júıe qatysushylary arasynda qaıta bólínedí.