Atalǵan baǵa deńgeıí 2026 jylǵy 1 sáuír men 30 mausym aralyǵynda qoldanylady, – dep habarlaıdy aqshamnews.kz tílshísí.
Memlekettík kíríster komıtetí EEO múshe memleketterdíń aumaǵynan ımporttalatyn jekelegen tauar túrleríne qoldanylatyn eń tómengí baǵa deńgeıí (ETB) jáne onyń mólsherín jarıyalady.
Atap aıtqanda, Qazaqstan aumaǵynda óndíríletín bírqatar tauarlarǵa eń tómengí baǵa deńgeıí belgílendí.
Tízímge 28 túrlí óním engízílgen.
Olardyń íshínde:
maılylyǵy 40%-dan aspaıtyn súzbe – 1822 teńge;
maılylyǵy 36%-dan aspaıtyn, qūrǵaq zattaǵy maı úlesí 48%-dan asatyn ózge balqytylǵan írímshíkter – 2985 teńge;
qabyǵymen satylatyn jańa tauyq jūmyrtqasy – bír danasy 41 teńge;
jańa nemese salqyndatylǵan kartop – 1 kg úshín 90 teńge;
jańa nemese salqyndatylǵan aq qaudandy qyryqqabat – 1 kg úshín 72 teńge;
jańa nemese salqyndatylǵan sábíz – 1 kg úshín 106 teńge;
alma (1 tamyz ben 30 qarasha aralyǵynda) – 1 kg úshín 175 teńge;
qatty bıdaı – 1 kg úshín 83 teńge;
jūmsaq bıdaı men speltadan alynǵan bıdaı ūny – 1 kg úshín 175 teńge;
kúnbaǵys tūqymy (ūsaqtalǵan nemese ūsaqtalmaǵan) – 1 kg úshín 201 teńge;
bastapqy qaptamadaǵy (10 lıtrge deıín) kúnbaǵys maıy nemese onyń fraktsıyalary – 1 kg úshín 451 teńge;
etten, et qosalqy ónímderínen nemese qannan daıyndalǵan shıkí shūjyqtar – 1 kg úshín 2063 teńge;
etten, et qosalqy ónímderínen nemese qannan jasalǵan ózge shūjyq ónímderí – 1 kg úshín 1521 teńge;
keptírílgen makaron ónímderí – 1 kg úshín 248 teńge;
spırt kólemí 45,4%-dan aspaıtyn, kólemí 2 lıtrge deıíngí ydystardaǵy araq – 1 lıtrí 1268 teńge.
Al Qazaqstanda óndírílmeıtín tauarlar tízímíne 8 atau engízílgen.
Olardyń qatarynda:
jańa nemese salqyndatylǵan shampınon sańyrauqūlaqtary – 1 kg úshín 754 teńge;
jańa banandar – 1 kg úshín 403 teńge;
jańa táttí apelsınder – 1 kg úshín 277 teńge;
jańa nemese keptírílgen mandarınder – 1 kg úshín 269 teńge;
jańa qūrma – 1 kg úshín 208 teńge;
ózge de kúrdelí organıkalyq erítkíshter men sūıyltqyshtar, sondaı-aq boyau nemese lakty ketíruge arnalǵan daıyn qospalar – 1 lıtrí 234 teńge.
Eń tómengí baǵa deńgeıí ár toqsan saıyn jańartylyp otyrady. Būl keıbír tauarlardyń baǵasy mausymǵa baılanysty ózgeruímen jáne ımport baǵasynyń qūbylmaly boluymen túsíndíríledí.