QR Premer-mınıstrí Oljas Bektenov qazaqstandyqtardy qūttyqtady, – dep habarlaıdy aqshamnews.kz tílshísí.
Qūrmettí otandastar!
Bízdíń elímíz Prezıdent Qasym-Jomart Kemelūly Toqaevtyń basshylyǵymen senímdí túrde damudyń jańa kezeńíne qadam basty.
Keshe jalpyhalyqtyq referendumda Qazaqstan azamattary auyzbírshílík pen naǵyz otanshyldyqtyń úlgísín kórsetíp, Memleket basshysynyń auqymdy sayası jáne áleumettík-ekonomıkalyq reformalaryna jappaı qoldauyn bíldírdí.
Bíz sízdermen bírge auqymy men mán-mańyzy tūrǵysynan el taǵdyryna qatysty tarıhı oqıǵanyń tíkeleı kuágerí boldyq.
Prezıdentímíz atap ótkendeı, qazaqstandyqtar jańaru men jańǵyru úshín dauys beríp, memlekettígímízdí nyǵaıtuǵa óz úlesterín qosty.
Ádílettí árí Órkendegen Qazaqstannyń jańa tarıhy ūlttyq dástúrlerímíz ben mádenıetímízdí ūlyqtap, tek demokratıyalyq qūndylyqtar negízínde qalyptasuda.
Júrgízílíp jatqan ózgerísterdíń sapasy men damu qarqynyn qamtamasyz ete otyryp, bárímíz bírge alǵa qoıylǵan maqsat-míndetterge qol jetkízetínímízge senímdímín.
Barsha qazaqstandyqtardy Otanymyzdyń Bírlígí men Táuelsízdígíníń jáne Egemendígíníń sımvoly bolyp tabylatyn jańa Konstıtutsıyanyń qabyldanuymen qūttyqtaımyn!