Orazanyń ayaqtaluyna sanauly kún qaldy. Bír aı boıy sáresínen íshkennen keıín kesh batqanǵa deıín auyz bekítken jandar endí qaıtadan qalypty tamaqtanu rejımíne kóshedí. Alaıda, ūzaq uaqyt boıy kúndízgí uaqytta tamaqtanbaǵan aǵza úshín būl kezeń óte mańyzdy.
Aqshamnews.kz tílshísí mamannan keńes sūrap, orazadan keıín tamaqtanu rejımíne qalaı dūrys kóshu kerektígín anyqtap kórdí.
Mamandardyń aıtuynsha, Ramazannan keıín bírden auyr árí maıly taǵamdarǵa kóshu asqazan-íshek joldaryna salmaq túsíríp, túrlí jaısyzdyqtarǵa sebep boluy múmkín. Sondyqtan orazadan keıíngí kezeńde tamaqtanu tártíbín bírtíndep qalypqa keltírgen dūrys.
Professor, medıtsına ǵylymdarynyń doktory Aqmaral Mūhambetjanqyzynyń aıtuynsha, orazadan keıín aǵza tamaqtanuǵa "jūmsaq" beıímdeludí qajet etedí. Būl uaqytta asqazan-íshek joldary, júrek-qantamyr júıesí, ortalyq júıke júıesí men ımmunıtette belgílí bír ózgeríster bolady.
«Orazadan keıín aǵza jańaryp, asqazan-íshek joldarynda, júrek-qantamyr júıesínde jáne ımmunıtet kórsetkíshterínde eleulí ózgeríster baıqalady. Eger osy paıdaly áserdíń ūzaq saqtalǵanyn qalasańyz, tamaqtanuǵa qatysty bírneshe mańyzdy qaǵıdany ūstanu qajet», – deıdí maman.
Tamaqtanudy aldyn ala josparlau kerek
Maman oraza ayaqtaluyna shamamen bír apta qalǵanda qandaı taǵam tūtynatynyńyzdy josparlap alǵan jón ekenín aıtady. Būl aǵzany jańa rejımge bírtíndep beıímdeuge kómektesedí.
Sonymen qatar, tamaqty asyqpaı, jaqsylap shaınap jeu kerek. Portsıya kólemín shamadan tys úlkeıtpeu de mańyzdy.
Alǵashqy kúnderí jeńíl taǵamdar tańdaǵan jón
Dárígerler orazadan keıíngí alǵashqy 1–2 kúnde jeńíl taǵamdarǵa basymdyq beruge keńes beredí. Mysaly:
jeńíl sorpalar;
botqalar;
kókóníster;
aıran men qyshqyl sút ónímderí;
Al quyrylǵan, maıly jáne auyr taǵamdardy bírden ratsıonǵa qospaǵan dūrys.
Asqazanǵa artyq salmaq túsírmeu
Ramazan kezínde asqazan shaǵyn portsıyalarǵa beıímdeledí. Sondyqtan bírden kóp árí kalorıyasy joǵary taǵam jeu íshtíń kebuíne, qyjylǵa jáne qandaǵy qant deńgeıíníń kúrt kóteríluíne ákeluí múmkín.
Artyq salmaǵy bar nemese qan qysymy joǵary adamdarda 2-tıptí qant dıabetíne genetıkalyq beıímdílík boluy yqtımal. Eger aǵza ınsulındí dūrys qabyldamasa, glyukoza tolyq síńbeı, maı retínde jınaluy múmkín.
Asqazan-íshek joldarynyń jūmysyna kóńíl bólíńíz
Orazadan keıín keıbír adamdarda qabynu protsesterí nemese qanazdyq qaupí artuy múmkín. Būl kóbíne ratsıonda temír men aquyzdyń jetkílíksíz boluyna baılanysty.
Sondyqtan tamaq ratsıonynda aquyz, maı, kómírsu, dárumender men mıneraldy zattardyń teńgerímí saqtaluy kerek.
Orazadan keıín aǵzany qalpyna keltíru úshín
Mamandar myna keńesterdí ūstanuǵa keńes beredí:
az-azdan, bíraq jıí tamaqtanu;
kókónís, aquyz jáne kletchatkaǵa baı taǵamdardy kóbeıtu;
kún íshínde jetkílíktí mólsherde su íshu;
shóp shaılaryn paıdalanu;
qajet bolsa, densaulyq tekserísínen ótíp, taldau tapsyru.
Este saqtaıtyny, orazadan keıín dūrys tamaqtanu rejımín saqtau – densaulyqty saqtaudyń mańyzdy kepílí.