Áńgímelesu barysynda Shavkat Mırzıyoev Qasym-Jomart Toqaevty Qazaqstan Respublıkasynyń jańa Konstıtutsıyasy jobasy boıynsha referendumnyń tabysty ótuímen qūttyqtady, – dep habarlaıdy aqshamnews.kz tílshísí.
Ózbekstan Prezıdentíníń aıtuynsha, referendum nátıjesí Qasym-Jomart Toqaev júrgízíp jatqan auqymdy reformalarǵa Qazaqstan halqy zor sením artatynyn kórsetedí.
Memleket basshysy qoldau bíldíríp, halyqaralyq ūıymdar qūramynda Ózbekstannan baıqaushylar mıssıyasyn jíbergení úshín Shavkat Mırzıyoevke alǵys aıtty.
Qasym-Jomart Toqaev jańa Konstıtutsıya zaman talabyna saı keletíníne, sondaı-aq memlekettíń ornyqty jáne jan-jaqty damuyn qamtamasyz etetíníne nazar audardy. Elímízde júrgízíletín aldaǵy jańǵyrtular kezínde halyqaralyq seríktestermen, ásírese, kórshíles jáne odaqtas eldermen yntymaqtastyqty nyǵaıtuǵa aıryqsha mán beríledí.
Taraptar strategıyalyq seríktestík pen odaqtastyq ruhyndaǵy qazaq-ózbek qarym-qatynasy qarqyndy damyp kele jatqanyna toqtaldy.
Sondaı-aq būǵan deıín qol jetkízílgen kelísímder men Joǵary memleketaralyq keńes sheshímderíníń íske asyrylu barysyna oń baǵa beríp, barlyq deńgeıdegí yqpaldastyqty jalǵastyruǵa uaǵdalasty.
Prezıdentter óńírlík jáne halyqaralyq kún tártíbíndegí ózektí máseleler jónínde píkír almasyp, aldaǵy kezdesulerdíń kestesín pysyqtady.