Áskerı bólímderdegí saılau uchaskelerí belgílengen tártípke sáıkes óz jūmysyn júrgízíp, jeke qūram azamattyq tańdauyn jasauǵa belsendí qatysty, – dep habarlaıdy aqshamnews.kz tílshísí.
Qazaqstan Respublıkasynyń Konstıtutsıyasyna ózgeríster men tolyqtyrular engízu máselesí boıynsha ótíp jatqan respublıkalyq referendum ayasynda Qazaqstan Respublıkasy Ūlttyq ūlany «Ońtústík» óńírlík qolbasshylyǵyna qarasty áskerı bólímderdíń aumaǵynda ornalasqan saılau uchaskelerínde merzímínen būryn dauys beru ayaqtaldy.
. Nátıjesínde «Ońtústík» óńírlík qolbasshylyǵy áskerı bólímderíníń jeke qūramy referendumǵa tolyq qatysyp, 100 paıyz dauys berdí.
Dauys beru úderísí áskerı bólímder aumaǵynda joǵary deńgeıde ūıymdastyrylyp, barlyq qajettí jaǵdaılar jasaldy. Áskerı qyzmetshíler zań talaptaryna sáıkes kelíp, el bolashaǵyna qatysty mańyzdy sheshím qabyldauǵa óz úlesterín qosty.
«Ońtústík» óńírlík qolbasshylyǵy qolbasshysynyń orynbasary, polkovnık Atabek Salıhbaevtyń aıtuynsha, jeke qūram referendumǵa joǵary azamattyq jauapkershílíkpen qatysty.
— Ūlttyq ūlan áskerı qyzmetshílerí úshín Otanǵa qyzmet etu – tek áskerı borysh qana emes, sonymen qatar azamattyq paryzdy adal oryndau. Búgín jeke qūram referendumǵa belsendí qatysyp, el bolashaǵyna beıjaı qaramaıtynyn kórsettí. Būl – bízdíń áskerı qyzmetshílerdíń memleket taǵdyryna degen jauapkershílígíníń aıqyn kórínísí, — dedí ol.
Aıta ketu kerek, Ūlttyq ūlan áskerı qyzmetshílerí elímízdegí qoǵamdyq-sayası mańyzy bar ís-sharalarǵa árdaıym belsendí qatysyp keledí. Referendumǵa qatysu – olardyń Otan aldyndaǵy áskerı boryshymen qatar, azamattyq jauapkershílígín de joǵary deńgeıde sezínetínín kórsetedí.