Almaly audany Qazaqstan halqynyń bírlígí kúnín Saıran kólíníń jaǵasynda atap ótíp, ol audan halqyn ūıystyrǵan úlken merekege aınaldy, – dep habarlaıdy aqshamnews.kz tílshísí.
Tań sáríden bastap keńístík halyq aspaptarynyń áueníne bóleníp, dombyra, qobyz, akkordeonnyń úní ár halyqtyń dástúrín toǵystyrǵan erekshe atmosfera qalyptastyrdy.
Qonaqtardy ūlttyq naqyshtaǵy kıímdermen qarsy aldy: kestelí kıím men bas kıímderdíń árqaısysy tarıhtan syr shertkendeı boldy.
Sahnada kezek-kezek halyqtyq muzykalyq ansamblder óner kórsettí. Án ártúrlí tílde shyrqalǵanymen, olardy bíríktírgen nárse — tuǵan mádenıetke degen súıíspenshílík edí. Áserlí bıler kórermenderdí baurap alyp, olar ár ónerdí zor yqylaspen qoldap otyrdy.
Qolónershíler jármeńkesí erekshe nazar audartty. Mūnda áshekeıden bastap tūrmystyq būıymdarǵa deıín qoldan jasalǵan túrlí tuyndylar qoıylypty. Janynda gastronomıyalyq aımaq ūıymdastyrylyp, qonaqtarǵa álem halyqtarynyń ūlttyq taǵamyn ūsynǵan. Dámdeuíshterdíń ıísí, jańa písken nan men ystyq taǵamdardyń hosh ıísí alańdy alyp ketíp, halyq odan auyz tıíp jatty.
Ártúrlí tíl, ártúrlí dástúrdíń basyn qosqan nárse — bírlík. Būl mereke Qazaqstannyń mádenıetke baı ekenín, yntymaǵy kelísken el ekenín pash ettí.
Bírlík bar jerde - tírlík bar. Almatydaǵy mereke osylaısha qanshama ūlt pen ūlysty ūıystyryp otyr.