Áuezov audanynda tańerteńnen bastap Bírínshí mamyr — Qazaqstan halqynyń bírlígí kúníne arnalǵan merekelík ís-shara ūıymdastyryldy. Negízgí alań — Family Park pen Saryarqa alańqaıy án-kúıge, bı men kóńíl kótergen halyqqa toly boldy, – dep habarlaıdy aqshamnews.kz tílshísí.
Saryarqa alańqaıynda ūlttyq mádenı ortalyqtardyń tíkken kıíz úıí men shatyrynda aluan túrlí kórme de óttí. Árqaısysy óz mádenıetíníń baılyǵyn tanystyryp, qonaqtardy dástúrlí taǵamdarmen qarsy aldy, halyq ánderín shyrqap, ūlttyq áuenmen bı bıleuge shaqyrdy. Ásírese ózbek, ūıǵyr, qytaı men kárís bírlestíkterí erekshe kózge túsíp, osy joly ūlttyq kıímderíníń ásemdígímen kópshílíktí tántí ettí.
Osy jerde ájeler ótkízgen túrlí sheberlík sabaqtary da erekshe yqylasqa ıe boldy. Olar ūlttyq áshekeılerdí qalaı dūrys taǵu kerektígín kórsetíp, ár būıymnyń mání men mańyzyn túsíndíríp, sheberlíktí ǵana emes, mádenı mūranyń ruhyn da jetkízdí.
Family Park sahnasynda kásíbı ártístermen qatar jas talanttar da kóńíl kúıdí kóteruge atsalysty. Túrlí baıqaudyń laureaty atanǵan balalar ūjymy án aıtyp, bı bılep, sayabaqty quanysh pen shattyqqa bóledí. Olardyń ónerí būl kúnníń kórkíne aınalyp, aınala kúlkí men qoshemetke toldy7
Áuezov audanyndaǵy Bírínshí mamyr merekesí halyqtar dostyǵy jaı ǵana sóz emes, onyń astarynda bírlík pen bereke jatqanyn taǵy dáleldegendeı boldy.