Almatydaǵy Qalalyq adam ūrpaǵyn órbítu ortalyǵynda dárígerler sáttí túrde kíshí jambas jáne qūrsaq quysynan júktílíktíń 39-40-shy aptadaǵy jatyr kólemíndeı úlken óskíndí alyp tastady, – dep habarlaıdy aqshamnews.kz tílshísí.
Operatsıyanyń kúrdelílígíne qaramastan, mamandar patsıenttíń reproduktıvtí organdaryn saqtap qaldy.
Bír jarym jyl boıy áıel qarnynyń bírte-bírte ūlǵaıyp kele jatqanyn baıqaǵan, bíraq ony salmaǵynyń artuymen dep oılaǵan. Uaqyt óte kele íshí tysyraıyp, auyrsynuyp, yńǵaısyzdyq jáne entígu sezímí paıda bolǵan.
UDZ, KT jáne MRT-dan keıín dárígerler búkíl ísh quysynda oryn alyp otyrǵan óskíndí anyqtaıdy. Patsıenttí onkogınekologtar tekseríp, sodan soń hırurgıyalyq tūrǵyda aralasu sheshímí qabyldandy.
Operatsıya kezínde mamandar 7 lıtrge juyq sūıyqtyqty shyǵaryp, salmaǵy shamamen 3 kg mólsheríndegí óskíndí alyp tastady. Qosymsha qıyndyqty būdan būryn jasalǵan operatsıyalardyń saldarynan qalǵan dánekerler tuǵyzdy. Óskín gıstologıyalyq zertteuge jíberíldí.
Barlyq qıyndyqtarǵa qaramastan, operatsıya sáttí óttí. Dárígerler eń bastysy – óskíndí alyp tastap, áıeldíń reproduktıvtí organdaryn saqtap qalǵan.
Qazír patsıent ózín qanaǵattanarlyq sezíníp, statsıonarda emdelíp, jaqynda shyǵuǵa daıyndaluda
Būl jaǵdaı dárígerge uaqytynda barudyń mańyzdylyǵyn eske salmaq. Íshtíń ūlǵayuy, auyrlyq sezímí, auyrsynu jáne demígu salmaq qosumen únemí baılanysty emes. Mūndaı sımptomdar paıda bolǵan kezde tekseruden ótíp, onyń sebebín anyqtau qajet.
Almatyda Qalalyq adam ūrpaǵyn órbítu ortalyǵy zamanauı hırurgıyalyq tásílderdí qoldana otyryp jáne múmkíndígínshe patsıentterdíń reproduktıvtí funktsıyasyn saqtauǵa ūmtyla otyryp, mamandandyrylǵan gınekologıyalyq kómek kórsetedí.