Baıtūrsynūly kóshesíníń boıynda ornalasqan №169 ben №163 úıdíń tūrǵyndarynyń kóńíl-kúıí ádettegíden kóteríńkí, – dep habarlaıdy aqshamnews.kz tílshísí.
Bárí tūryp jatqan úıí jańaryp, būrynǵydan da ádemí bola túskenín aıtady.
Úıdíń qasbetí qalanyń bíryńǵaı dızaın-kodyna sáıkes jańartylyp, shatyry da auysty. Qazír qūrylysshylar jūmystyń sońyna jetíp qaldy: írgetas aınalasyndaǵy otmostkalardy retke keltíríp, aulaǵa endí taqtaısha tósep jatyr. Sheberlerdíń barynsha tıyanaqty etíp ístegen jūmysy tūrǵyndardyń da kóńílínen shyǵyp, olardy maqtap otyr.
Kóshe kórkeıíp, keshke qaraı sham janǵanda, úıler de erekshe ásem kelbetke enedí. Tūrǵyndardyń aıtuynsha, páterdíń qūny da íle-shala artypty.
Olar endí úıdíń syrt kelbetín kóríp, «Men osynda tūramyn!» dep aınalasyna emín-erkín maqtanyp aıta alatyndaı boldy.