Almatydaǵy 38 qalalyq emhanada merzímí ótken dárí-dármekterdí jınauǵa arnalǵan arnaıy konteınerler ornatylǵan, – dep habarlaıdy aqshamnews.kz tílshísí.
Byltyr jazdan berí bír jyl íshínde tūrǵyndar osy konteınerlerge 1 200 kelíge juyq dárí-dármek qaldyǵyn tapsyrdy. Jınalǵan qaldyqtar qauípsíz jolmen joyuǵa jíberíldí. Būl turaly «Eco Almaty» JShS mamandary aıtty.
Jobany ECO Network ekologıyalyq qauymdastyǵy STADA farmatsevtıkalyq kompanıyasymen bírlesíp júzege asyryp keledí. Ornatylǵan konteınerlerdíń arqasynda tūrǵyndar jaramdylyq merzímí ótken dárí-dármekterdí tūrmystyq qoqystan bólek jınauǵa tapsyrady.
Dárí-dármek jınau punktteríníń jūmysyn baǵalauǵa Satbayev University studentterí qatysty. Eríktíler 34 emhanany aralap, tūrǵyndardyń joba turaly habardar boluyn jáne medıtsına qyzmetkerleríníń bastamaǵa qatysu belsendílígín baǵalady. Tekserílgen emhanalardyń 70%-dan astamy joǵary nátıje kórsettí.
Eske salaıyq, shílde aıynda dárí-dármek jınau boıynsha №1 qalalyq emhana kósh bastap, 79,5 kelí qaldyq jınady. Úzdík bestíkke №23 emhana – 71,45 kelí, №4 emhana – 70,2 kelí, №17 emhana – 66,6 kelí jáne №12 emhana – 65,6 kelí kórsetkíshpen endí.
Merzímí ótken dárílerdí bólek jınau qorshaǵan ortanyń lastanu qaupín azaıtuǵa kómektesedí. Tūrmystyq qoqysqa tastalǵan nemese káríz júıesíne tógílgen dárílík zattar topyraq pen suǵa túsuí múmkín. Ūıymdastyrushylardyń aıtuynsha, arnaıy konteınerler mūndaı qaldyqtardy bólek jınap, qauípsíz jolmen joyuǵa jíberuge múmkíndík beredí.