2026 jyly Parlamentti ustaýǵa 7,8 mlrd teńge bólinedi, - dep habarlaıdy Aqshamnews.kz.
Aldaǵy jyldary Qazaqstannyń saıası júıesinde eleýli ózgerister oryn alýy múmkin. Memleket basshysy Qasym-Jomart Toqaev bıylǵy Joldaýynda bir palataly Parlament qurý bastamasyn kóterip, bul usynys qoǵamda qyzý talqyǵa tústi. Prezıdenttiń aıtýynsha, mundaı reforma búdjet júktemesin azaıtyp, zań shyǵarýshy organnyń jumysyn ońtaılandyrýǵa múmkindik beredi.
Qarjy vıse-mınıstri Abzal Beısenbekulynyń aıtýynsha, 2026 jyly Parlamenttegi depýtattar men ákimshilik qyzmetkerlerdiń eńbekaqy qoryna 7,8 mlrd teńge bólinýi múmkin.
«Bul depýtattardy, sondaı-aq Parlamenttegi saıası jáne ákimshilik memlekettik qyzmetshilerdi qamtamasyz etýge arnalǵan. Bul – eńbekaqy tóleý qory», – dedi ol.
Keıingi 10 jylda shyǵyndar qalaı ózgerdi?
Kursiv.media málimetinshe:
- 2015 jyly bir depýtatty ustaýǵa shamamen 70 mln teńge jumsalsa,
- 2024 jyly bul soma 195 mln teńgege jetken.
2024 jyly Parlamenttiń jalpy shyǵyny – 29 mlrd teńge.
Eske sala keteıik, búginde Májiliste 98 depýtat, Senatta 50 depýtat jumys isteıdi.