Bír apta būryn Almaty qalasynyń Bílím basqarmasy qalalyq mektepterdíń BilimClass tegín elektron jurnalyna ótetínín habarlaǵan edí. 2025–2026 oqu jylynyń úshínshí toqsanynan platforma qalalyq memlekettík mektepterde jūmys ísteı bastady. Redaktsıya qazír Qazaqstannyń 11 óńírínde jūmys ístep tūrǵan platformanyń tarıhy men basty artyqshylyqtaryn zerdelep kórdí.
Bílím berudí tsıfrlandyruǵa arnalǵan otandyq sheshím
BilimClass elektron jurnal retínde 2022 jyly íske qosyldy. Alaıda platformany jasaqtauǵa pandemıya kezí tíkeleı áser etken. 2020 jyly el mektepterí qashyqtan oqu formatyna kóshuíne baılanysty jedel tsıfrlyq sheshímder qajet boldy. Osy kezde bílím beru salasynda tsıfrlyq ónímder jasaıtyn Bilim Group toby OnlineMektep platformasyn jasap, qazaqstandyq oqushylarǵa arnalǵan vıdeosabaqtar men tapsyrmalar ūsyndy. Epıdemıologıyalyq jaǵdaı tūraqtalǵan soń, tsıfrlyq qūraldardyń tek tótenshe jaǵdaıda emes, oqu protsesín ońtaılandyru úshín qajet ekení anyqtalǵan. Osylaısha Bilim Group komandasy mektepterge arnalǵan túrlí qūraldy bíríktíretín BilimClass júıesín ázírlep shyqqan.
Platformanyń audıtorıyasy qandaı?
Búgínde BilimClass júıesín Qazaqstannyń 11 óńíríndegí 2,5 mıllıon oqushy men 350 myńǵa juyq mūǵalím paıdalanyp otyr. Atap aıtqanda, platforma Almaty, Aqmola, Batys Qazaqstan, Qostanaı, Aqtóbe, Ūlytau, Abaı, Qyzylorda, Jetísu, Túrkístan jáne Soltústík Qazaqstan oblystarynda qoldanysta. Al júıege qosylǵan mektepterdíń jalpy sany 5000-ǵa juyq.
Derekterdíń qauípsízdígín qamtamasyz etetín otandyq óním
BilimClass aqparattyq qauípsízdík pen derbes derekterdí qorǵau talaptaryna tolyq sáıkes keledí. Platforma QR ŪQK Memlekettík tehnıkalyq qyzmetíníń sertıfıkattauynan ótken. Ázírleushílerlíń píkíríne sáıkes, júıe úshín basty basymdyq — aqparattyq qauípsízdík, sondyqtan BilimClass paıdalanushylar derekteríníń qūpıyalyǵy men senímdí túrde saqtaluyn qamtamasyz etedí.
Almaty mektepteríne engízu protsesí
Bílím basqarmasynyń derekteríne sáıkes, platformany Almaty qalasynyń mektepteríne engízu turaly sheshím qabyldanbas būryn ol 15 mektepte pılottyq aprobatsıyadan ótken. Sonyń nátıjesínde BilimClass júıesí barlyq qajettí talaptarǵa saı ekenín kórsetken. Platformaǵa kóshu jūmystary oqu protsesíne áser etpeu úshín qysqy kanıkul kezínde júzege asty, al mūǵalímder BilimClass-pen jūmys ísteu boıynsha tegín oqudan óttí.
Mektepterge, mūǵalímder men ata-analarǵa arnalǵan múmkíndíkter
Ata-analar men oqushylar BilimClass mobıldí qosymshasyn tegín paıdalanyp, sabaq kestesín, úlgerímí men úı tapsyrmalaryn baqylaı alady. Jurnal mekteptí basqaru júıesí, oqu kontentí, ádístemelík taldau jáne analıtıka qūraldaryn da ūsynady. Sonymen qatar mektepter ŪBT-ǵa daıyndaluǵa kómektesetín iTest onlaın-trenajerí, bastauysh synyp oqushylaryna arnalǵan qazaq tílíndegí iMektep vıdeosabaqtar platformasy, sondaı-aq TMD aumaǵyndaǵy eń írí tsıfrlyq bílím beru kontent qory sanalatyn BilimLand ónímí tegín qoldana alady.