Óńírlík kommunıkatsıyalar qyzmetínde ótken brıfıngte Almatydaǵy Memlekettík kíríster departamentíníń bereshekpen jūmys basqarmasy bastyǵynyń míndetín atqarushy Aıda Omarova osylaı dep málímdedí.– dep habarlaıdy aqshamnews.kz tílshísí.
Onyń aıtuynsha, 1 qańtardan bastap būl qaǵıda bereshegí bar salyq tóleushílerge qoldanylmaq. Qūjatta bereshektegí ósímpūldy, sondaı-aq kásípkerdíń derbes shotynda tírkelgen salyqqa qatysty qūqyqbūzushylyǵy úshín salynǵan aıyppūldy alyp tastau jaǵy da qarastyrylypty.
Sonymen qatar, salyq míndettemesí bıylǵy 1 sáuírge deıín tolyq oryndalǵan jaǵdaıda ósímpūl men aıyppūly esepten shyǵarylady. Būǵan qosa, bıylǵy 1 qańtarǵa deıín jasalǵan operatsıyalar boıynsha QQS boıynsha tírkelmeı qyzmet atqarǵany úshín salynǵan aıyppūl da alynyp tastalmaq.
Negízgí shart — 2026 jylǵy 1 qańtar men 31 nauryz aralyǵynda negízgí salyq bereshegín tolyq óteu. Būl rette tek ósímpūly men aıyppūly esepten shyǵarylady da, negízgí salyq somasyn tóleu míndettí bolyp qalady.
Esepten (aıyppūl men ósímpūldy) shyǵarudy komıssıyanyń derbes shottarǵa júrgízetín túgendeu jūmysynyń qorytyndysyna qaraı qolǵa alady.
Aıda Omarovanyń aıtuynsha, būl bastamany íske asyrǵanda bızneske túsetín qaryz júktemesí azaıyp, onyń ary qaraıǵy damuyna jaǵdaı jasamaq.