Qoǵam qaıratkeriniń qazasyna baılanysty Elbasy Nursultan Nazarbaev pen QR Prezıdenti Qasym-Jomart Toqaev kóńil aıtý jedelhatyn joldady
Búgin belgili memleket jáne qoǵam qaıratkeri Temirhan Dosmuhambetov ómirden ozdy, dep habarlaıdy Almaty-akshamy.kz «Habar 24»-ke silteme jasap.
Marqumnyń otbasy men týǵan-týystaryna Memleket basshysy Qasym-Jomart Toqaev pen Elbasy Nursultan Nazarbaev kóńil aıtý jedelhatyn joldady.
Qujatta Temirhan Myńaıdaruly sanaly ǵumyryn el ıgiligi jolynda qyzmet etýge arnap, táýelsizdigimizdiń tuǵyrly bolýyna zor úles qosqan tulǵa ekeni aıtylǵan.
«Ol birqatar joǵary laýazymda abyroıly jumys atqaryp, týrızm jáne sport, zań shyǵarý salasynyń damýyna, elordamyzdyń kórkeıýine bar qajyr-qaıratyn jumsady. Keıinnen kásipkerlikpen aınalysyp, aýyl sharýashylyǵynyń órkendeýine atsalysty. Bilikti basshy, paıym-parasaty bıik azamat retinde árdaıym eseli eńbek etip, kópshiliktiń izet-iltıpaty men qurmetine bólendi», – delingen Elbasy jedelhatynda.
Nursultan Nazarbaev Temirhan Myńaıdarulynyń jarqyn beınesi jurtshylyq jadynda árdaıym saqtalatynyna senim bildirdi.