2 qyrkúıekte Prezıdent Qasym-Jomart Toqaev "Ádiletti Qazaqstan: bárimiz jáne árqaısymyz úshin" atty halyqqa arnaǵan joldaýynda atom elektr stansıasyn salý týraly aıtyp, halyqtyń pikirin tyńdaý úshin referendým jarıalady. Osy ýaqyttan beri bir aıdan asa ýaqyt ótipti. Qoǵam atom energıasy taqyrybyn keńinen talqylaýda. Bireýler óz dáıekterin keltirip, ekologıalyq qaýipter jaıly aıtsa, ekinshileri bul sala elimiz úshin qajetti ári ekologıalyq taza energıa kózi ekendigin dáleldep baqty.
Nátıjesinde, qandaı kózqaras bolmasyn, sheshimdi halyq qabyldaıdy. Bul referendým - halyqtyń tańdaý erkindigin kórsetetin úlken qadam. El azamattary bul jaýapkershilikti sezine otyryp, el bolashaǵy úshin durys tańdaý jasaıdy dep senemin. Ár daýys - eldiń erteńine, urpaqtyń jarqyn bolashaǵyna úles qosý dep bilemin.